June 27, 2016 
தண்டோரா குழு
அட்டகத்தி, மெட்ராஸ் படத்தின் மூலம் புகழ் பெற்றவரான இயக்குநர் ப.ரஞ்சித் தற்போது சூப்பர்ஸ்டார் ரஜினியை வைத்து கபாலி படத்தை எடுத்து ரிலீசுக்காக காத்துக் கொண்டிருக்கிறார்.
கபாலி படத்தின் வேலைகள் நிறைவடைந்த நிலையில் அப்படத்தின் தெலுங்கு இசை வெளியீட்டு விழா நேற்று ஹைதராபாத்தில் நடைபெற்றது. இவ்விழாவில் கலந்துகொண்டு பேசிய இயக்குநர் ரஞ்சித் கபாலி படம் மாபெரும் வெற்றி பெரும் என்றும் ஜூலை மாதம் 15ம் தேதி படம் வெளியாகும் எனவும் தெரிவித்தார். மேலும், தனது அடுத்த படத்தை சூர்யாவை வைத்து இயக்கவுள்ளதாகத் தெரிவித்தார்.
தற்போது ஹரி இயக்கத்தில் S3 படத்தில் நடித்து வரும் சூர்யா அதன் பிறகு ரஞ்சித் படத்தில் நடிப்பார் என எதிர்பார்க்கப்படுகிறது. ஏற்கனவே, சூர்யாவின் தம்பி கார்த்தி வைத்து மெட்ராஸ் படத்தில் இயக்கியுள்ள ரஞ்சித் தற்போது அண்ணனை வைத்து இயக்கவுள்ளார் என்பது குறிப்பிடத்தக்கது.
For English News
