November 15, 2017 
தண்டோரா குழு
கார்ட்டூனிஸ்ட் பாலா மீதான வழக்கை விசாரிக்க நெல்லை குற்றப்பிரிவு போலீசாருக்கு உயர்நீதிமன்ற மதுரை கிளை இடைக்கால தடை விதிக்கப்பட்டுள்ளது.
நெல்லையில் கந்துவட்டி கொடுமை காரணமாக தீக்குளித்த சம்பவத்தை வைத்து சென்னையை சேர்ந்த பாலமுருகன் என்ற பாலா கார்ட்டூன் வரைந்த காரணத்தால் கைது செய்யபட்டார்.தற்போது அவர் ஜாமீனில் வெளிவந்துள்ளர்.
இந்நிலையில், இது தொடர்பாக பாலா உயர் நீதிமன்ற மதுரை கிளையில் மனு தாக்கல் செய்திருந்தார். அம்மனுவில், நான் சென்னையில் வசித்து வருகிறேன். கடந்த அக்டோபர் 23ம் தேதி திருநெல்வேலி மாவட்ட ஆட்சியர் அலுவலக வளாகத்தில் கந்து வட்டி கொடுமையால் இசக்கிமுத்து குடும்பத்தார் தீக்குளித்து பலியாகினர்.
இந்த சம்பவத்தை தொடர்ந்து அக்டோபர் 24ம் தேதி ஒரு கார்டூன் வரைந்து என்னுடைய முகநூல் பக்கத்தில் வெளியிட்டேன். அதில் தமிழக முதல்வர்,மாவட்ட ஆட்சியர், மாவட்ட காவல் துறை கண்காணிப்பாளர் ஆகியோர் அரை நிர்வாண கோலத்தில் நின்று தீக்குளிப்பு சம்பவத்தை பார்ப்பது போல் சித்தரித்திருந்தேன்.
இந்த நிலையில் நெல்லை மாவட்ட ஆட்சியர் அளித்த புகாரின் பேரில் என் மீது தகவல் தொழில்நுட்ப சட்டம் 2000 ன் படி வழக்குப்பதிவு செய்தனர். அதை தொடர்ந்து நவம்பர் 5ம் தேதி சென்னைக்கு வந்த நெல்லை மாநகர குற்றப்பிரிவு ஆய்வாளர் என்னை இந்த வழக்கு தொடர்பாக கைது செய்தார்.
இந்த வழக்கின் படி நான் எந்த குற்ற செயலிலும் ஈடுபடவில்லை. என்னை கைது செய்தது இயற்கை நீதிக்கு முரணானது. ஆகவே, என் மீது காவல்துறையினர் பதிந்துள்ள வழக்கை ரத்து செய்ய வேண்டும் என கேட்டிருந்தார். இந்த மனு இன்று உயர் நீதிமன்ற மதுரை கிளையில் விசாரனைக்கு வந்தது.மனுவை விசாரித்த நீதிபதி எஸ்.எஸ்.சுந்தர் கார்ட்டூனிஸ்ட் பாலா மீதான வழக்கை காவல் துறையினர் விசாரிக்க இடைக்காலத் தடை விதித்தும் இது சம்பந்தமாக நெல்லை மாநகர காவல்துறை ஆணையாளர் பதிலளிக்கவும் உத்தரவிட்டு மனு மீதான விசாரனையை நவம்பர் 29ம் தேதிக்கு ஒத்தி வைத்தார்.
சின்னகுட்டை தேக்கத்தை புரணமைக்க கோவை குளங்கள் பாதுகாப்பு அமைப்பு அமைப்புடன் கூட்டு சேர்ந்த ப்ரூக்ஃபீல்டு !
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
For English News
