November 9, 2017 
தண்டோரா குழு
சசிகலா உறவினர்கள், ஆதரவாளர்களுக்குச் சொந்தமான 187 இடங்களில் வருமான வரி துறையினர் சோதனை நடத்தி வருகின்றனர்.
வரி ஏய்ப்பு புகாரின் எதிரொலியாக சசிகலா, தினகரன் ஆகியோரின் குடும்ப உறுப்பினர்கள், உறவினர்கள், ஆதரவாளர்கள், உதவியாளர்கள் வீடுகள் மற்றும் நிறுவனங்களில் இன்று அதிகாலை முதல் வருமான வரி துறையினர் அதிரடி சோதனை நடத்தி வருகின்றனர்.
ஜெயா டிவி அலுவலகம் மற்றும் அதற்கு தொடர்புடைய ஜாஸ் சினிமாஸ், நமது எம்.ஜி.ஆர் நாளிதழ் உள்ளிட்ட 160 இடங்களிலும் ஜெயா டிவிக்கு தொடர்புடைய நிறுவனங்களிலும், அதன் உரிமையாளர்கள் வீடுகளிலும் வருமான வரித்துறை அதிகாரிகள் சோதனை நடத்தி வருகின்றனர். பெங்களூரு அதிமுக தலைமை அலுவலகம், தாம்பரம் அருகேயுள்ள மிடாஸ் நிறுவனம் உள்ளிட்டவற்றிலும் வருமானவரித்துறையினர் தங்களது சோதனையை நடத்தி வருகின்றனர்.
மேலும் தமிழகம், கர்நாடகா, தெலுங்கானா, டெல்லி உள்ளிட்ட 187 இடங்களில் வருமானவரித்துறை அதிகாரிகள் சோதனை நடத்தி வருவதாக தகவல் வெளியாகியுள்ளது.
For English News
