October 25, 2017 
தண்டோரா குழு
கோவை மெடிக்கல் சென்டர் மருத்துவமனையில் எட்டு வயது சிறுவனுக்கு, சிறுநீரக பாதையில் ஏற்பட்டுள்ள அடைப்பை ரோபோட்டிக் அறுவைசிகிச்சை மூலம் சீரமைக்கப்பட்டது.
இந்த சிறுவனுக்கு சிறுநீரகத்திலிருந்து சிறுநீரகப்பைக்கு செல்லும் குழாயில் பிறப்பிலேயே அடைப்பு எற்பட்டு இருந்தது.இது கிட்னியின் செயலை பாதித்துக் கொண்டிருந்தது.சிறுநீரக பைக்கு அருகில் உள்ள இந்த அடைப்பை நீக்க டாக்டர் குமரன் மற்றும் மயக்கவியல் டாக்டர் என். வினோத்குமார் இருவரும் இணைந்து ரோபோட்டிக் முறையில் அறுவை சிகிச்சையை மேற்கொண்டனர்.
இந்த அறுவை சிகிச்சையில், சிறுநீர் குழாயில் உள்ள அடைப்பை நீக்கிய பிறகு, மீண்டும் சீறுநீர்பையுடன் இணைக்கப்பட்டுள்ளது. அதோடு, சிறுநீர் பை நிறைந்தவுடன் பின்னோக்கி செல்லாத வகையில் சிகிச்சை மேற்கொள்ளப்பட்டு, நுண்ணிய தையல் பயன்படுத்தப்பட்டுள்ளது. இந்த நுண்ணிய தையலை மேற்கொள்ள, பல மடங்கு பெரிதுபடுத்திக் காட்டும் ரோபோட்டிக் நுண்ணோக்கியால் மிகவும் துல்லியமாக இந்த அறுவைசிகிச்சையில் மேற்கொள்ளப்பட்டது.இந்த சிகிச்சையால், விரைவாக குணமடைவதுடன், துளையிட்டு மேற்கொள்ளப்படும் லேப்ராஸ்கோபிக் சிகிச்சையின் நன்மைகளும் பெறப்பட்டுள்ளது.
சென்னைக்கு அடுத்தபடியாக தமிழ்நாட்டில், குழந்தைக்கான ரோபோட்டிக் முறையில் அறுவை சிகிச்சை செய்யப்படுவது இதுவே முதல் முறையாகும்.
சிகிச்சை குறித்து கேஎம்சிஎச் மருத்துவமனை தலைவர் டாக்டர் நல்ல ஜி பழனிசாமிஅவர்கள் கூறுகையில்,”மிகவும் அதிநவீன டாவின்சி ரோபோட்டிக் அறுவை சிகிச்சை கருவியும்,சிறந்த மருத்துவர்களும் இம்மருத்துவமனையில் இருப்பதால், இத்தகைய அறுவை சிகிச்சைகளை எளிதாக செய்ய முடிகிறது.
இத்தகைய பயனுள்ள கருவி,பெரியவர்களுக்கு மட்டுமல்லாமல் குழந்தைகளுக்கும் குறிப்பிட்ட சில அறுவைசிகிச்சைகளுக்கு மிகவும் உதவியாக உள்ளது”என்று கூறினார்.
கே.எம்.சி.ஹெச் மருத்துவ கல்லூரி சார்பில் தடாகத்தில் ஊரக மருத்துவ மையம் திறப்பு
மல்டி அசெட் அலோகேஷன் ஃபண்ட் குரோ மியூச்சுவல் ஃபண்ட் நிறுவனம் அறிமுகம்
பிரபல கிரிக்கெட் வீரர் ஜான்டி ரோட்ஸ் நடித்துள்ள ‘கேஷ்பேக் கேட்சர்’புதிய விளம்பரம்: சூப்பர்.மணி அறிமுகம்
6 மாநிலங்களில் களைகட்டிய ஈஷா கிராமோத்சவம் இரண்டாம் கட்டப் போட்டிகள் -பெங்களூருவில் சத்குருவுடன் ராபின் உத்தப்பா பங்கேற்பு
கோவையில் தேசிய அளவிலான இந்திய பாரா கிரிக்கெட் லீக் போட்டி ஐபிசிஎல் 2.0 – மும்பை ரோட்டரி டவுன்டவுன் டைகர்ஸ் அணி வெற்றி
டிஎன்சிடி நிறுவனம் சார்பில் கோவையில் மேக்னம் சிட்டி திட்டம் அறிமுகம்
For English News
