October 20, 2017 
தண்டோரா குழு
பாங்காக்கில் உள்ள மெக்டோனல்ட் உணவு விடுதியில் தரப்பட்ட காபியில், கரப்பான்பூச்சியின் கால்கள் இருந்தது அதிர்ச்சியை ஏற்படுத்தியுள்ளது.
பாங்காக் நகரில் மெக்டோனல்ட் உணவு விடுதிக்கு வாடிக்கையாளர் ஒருவர் வியாழக்கிழமை (அக்டோபர் 19) இரவு காபி அருந்த சென்றார். அவருக்கு வழங்கப்பட்ட காபியில் கரப்பான்பூச்சியின் கால்கள் இருப்பதை கண்டு அதிர்ச்சி அடைந்தார். இதையடுத்து,அ அவர் காப்பி இயந்திரத்தில் இருந்து காபியை கோப்பைக்குள் ஊற்றுவதற்கு முன்பே அதில், கரப்பான் பூச்சியின் கால்கள் இருந்திருக்க கூடும். அதை கவனிக்காத அந்த ஊழியர் காபியை ஊற்றியிருக்க கூடும் என்று கூறி தனக்கு மற்றொரு காபியை கேட்டுள்ளார்.
ஆனால், அந்த ஊழியர் காபி இயந்திரத்தில் இருந்து வேறு ஒரு கோப்பையில் காபியை ஊற்றியபோது, அதிலும் கரப்பான்பூச்சியின் கால்கள் இருந்ததை கண்டு அதிர்ச்சி அடைந்துள்ளார்.
உடனே அந்த காப்பி இயந்திரத்தை சரிபார்ப்பதற்காக அனுப்பி வைக்கப்பட்டது. இந்த சம்பவம் குறித்து, மெக்டோனல்ட் நிறுவனம், அந்த வாடிக்கையாளரிடம் மன்னிப்பு கேட்டுள்ளது.
இந்நிலையில்,தனக்கு நேர்ந்த இந்த சம்பவத்தை குறித்து இணையதளமான பேஸ்புக்கில் நாச்டளிசிக் ஏய்க் என்ற பெயரில் பதிவிட்டார் அந்த நபர். அவருடைய பதிவிற்கு 1,700 லைக்ஸ் மற்றும் 14,000 பேருடைய எதிர்வினைகளும் அவருக்கு கிடைத்துள்ளது என்பது குறிப்பிடத்தக்கது.
For English News
