October 10, 2017 
தண்டோரா குழு
மத்திய அரசு அச்சகத்தை கோவையிலிருந்து லக்னோவிற்கு இடமாற்றப்படுவதை கண்டித்து திராவிடர் கழகத்தின் சார்பாக கோவை தெற்கு தாசில்தார் அலுவலகம் அருகே ஆர்ப்பாட்டம் நடைபெற்றது.
கோவை பெரியநாயக்கன்பாளையத்திலுள்ள மத்திய அரசு அச்சகத்தை லக்னோவிற்கு இடம் மாற்ற மத்திய அரசு முயற்சி எடுத்து வருகிறது எனவும் அச்சகத்திலுள்ள மூலப்பொருட்களை லக்னோவிற்கு கொண்டு செல்லும் முயற்சிகளை வன்மையாக கண்டித்தும் திராவிடர் கழகத்தினர் ஆர்ப்பாட்டத்தில் ஈடுபட்டனர்.
மேலும் தமிழக அரசு இது சமபந்தமாக மத்திய அரசை வலியுறுத்தி அரசு அச்சகம் மாற்றாமல் இருக்க நடவடிக்கை எடுக்க வேண்டும், ஹிந்துஸ்தான் போட்டோ பிலிம் தொழிற்சாலையை மூடியதை போல் தமிழகத்திலுள்ள மத்திய அரசு நிறுவனங்கள் அடுத்தடுத்து மூடப்படும் அபாயம் இருப்பதால் மாநில அரசு நடவடிக்கை எடுக்க வேண்டும் எனவும் ஆர்ப்பாட்டத்தின் போது கோஷமிட்டனர்.
For English News
