October 2, 2017 
தண்டோரா குழு
வட கொரியா நாட்டின் குடியரசு தலைவரிடம் பேச்சுவார்த்தை நடத்தி நேரத்தை வீணாக்க வேண்டாம் என்று அமெரிக்க குடியரசு தலைவர் கூறியுள்ளார்.
வட கொரியா கண்டம் விட்டு கண்டம் பாயும் ஏவுகணை சோதனையை நடத்தி வருகிறது. உலக நாடுகள் இதற்கு கண்டனம் தெரிவித்தது. தங்கள் போக்கிலிருந்து மாறாமல் இருந்ததையடுத்து, ஐநா வில் புகார் அளிக்கப்பட்டது. ஐநாவும் வட கொரியாவை எச்சரித்தது. அந்த எச்சரிக்கையை மீறி வட கொரியா தனது ஏவுகணை சோதனையை செய்து வந்தது.
இதையடுத்து, அந்நாட்டின் மீது அமெரிக்கா பல தடைகளை கொண்டு வந்தது. அதை பற்றியெல்லாம் சிறிதும் கவலைப்படாமல், வட கொரியா தொடர்ந்து தனது ஏவுகணை சோதனையை நடத்தி வருகிறது.
இந்நிலையில், அமெரிக்க நாட்டின் வெளியுறவுத்துறை அமைச்சர் ரெக்ஸ் டில்லர்சன், இரு நாடுகளுக்கு இடையே இருக்கும் இந்த பிரச்சனையை பேச்சுவார்த்தை மூலம் தீர்த்துக்கொள்ளலாம் என்று பேச்சுவார்த்தை நடத்தி வருவதாக நேற்று முன் தினம் தெரிவித்தார்.
இதையடுத்து, “சின்ன ராக்கெட் மனிதரிடம் பேசி நேரத்தை வீணாக்க வேண்டாம். நாம் என்ன செய்ய வேண்டுமோ, அதை செய்வோம்” என்று அமெரிக்க குடியரசு தலைவர் டொனால்ட் டிரம்ப் தனது ட்விட்டரில் பதிவிட்டுள்ளார்.கடந்த மாதம் ஐநா சபையில் பேசிய டிரம்ப், வட கொரியா குடியரசு தலைவரை சின்ன ராக்கெட் மனிதன் என்று குறிப்பிட்டார் என்பது குறிப்பிடத்தக்கது.
கே.எம்.சி.ஹெச் மருத்துவ கல்லூரி சார்பில் தடாகத்தில் ஊரக மருத்துவ மையம் திறப்பு
மல்டி அசெட் அலோகேஷன் ஃபண்ட் குரோ மியூச்சுவல் ஃபண்ட் நிறுவனம் அறிமுகம்
பிரபல கிரிக்கெட் வீரர் ஜான்டி ரோட்ஸ் நடித்துள்ள ‘கேஷ்பேக் கேட்சர்’புதிய விளம்பரம்: சூப்பர்.மணி அறிமுகம்
6 மாநிலங்களில் களைகட்டிய ஈஷா கிராமோத்சவம் இரண்டாம் கட்டப் போட்டிகள் -பெங்களூருவில் சத்குருவுடன் ராபின் உத்தப்பா பங்கேற்பு
கோவையில் தேசிய அளவிலான இந்திய பாரா கிரிக்கெட் லீக் போட்டி ஐபிசிஎல் 2.0 – மும்பை ரோட்டரி டவுன்டவுன் டைகர்ஸ் அணி வெற்றி
டிஎன்சிடி நிறுவனம் சார்பில் கோவையில் மேக்னம் சிட்டி திட்டம் அறிமுகம்
For English News
