September 16, 2017 
தண்டோரா குழு
தெலங்கானாவில் வீட்டின் உரிமையாளர் அனுமதிக்காததால், இரவு முழுவதும் மகனின் சடலத்தை சாலையில் வைத்து தாய் பரிதவித்த சம்பவம் அதிர்ச்சியை ஏற்படுத்தியுள்ளது.
தெலங்கானா மாநிலம் தலைநகர் ஹைதராபாத் நகரை சேர்ந்தவர் ஈஸ்வரம்மா. அவர் தனது இரண்டு மகன்களுடன் குப்தா என்பவர் வாடகைக்கு தந்த ஒரு அறையில் வசித்து வருகிறார். அவருடைய மூத்த மகன் சுரேஷ்(1௦) டெங்கு காய்ச்சல் காரணமாக, மாநில அரசு நடத்தும் நிலோபர் மருத்துவமனையில் சிகிச்சை பெற்று வந்தான். ஆனால்,கடந்த புதன்கிழமை இரவு, அந்த சிறுவன் உயிரிழந்தான்.
இதனையடுத்து சுரேஷின் சடலத்தை ஈஸ்வரம்மா வீட்டிற்கு எடுத்து வந்தார்.ஆனால், டெங்கு காய்ச்சலால் இறந்த சுரேஷின் உடலை வீட்டுக்குள் கொண்டுவர கூடாது என வீட்டு உரிமையாளர் குப்தா மறுத்துவிட்டார்.இதனால் வீட்டில் உள்ள மற்றவர்களுக்கு நோய்க் கிருமிகள் தொற்றும் எனக்கூறிய அவர் சிறுவனின் சடலத்தை வீட்டிற்குள் எடுத்து செல்ல அனுமதிக்கவில்லை.
இதனைத்தொடர்ந்து, என்ன செய்வது என்று ஈஸ்வரம்மாவுக்கு தெரியவில்லை. அவருக்கு உதவி செய்ய யாரும் முன்வரவில்லை. இரவு முழுவதும் பெய்த மழையில் சுரேஷின் சடலத்தை வைத்துக்கொண்டு, அவருடைய இரண்டாவது மகனுடன் சாலை ஓரத்தில் அமர்ந்திருந்தார்.
அந்த பகுதியில் வசிக்கும் சிலர் காலை நடைபயிற்சி சென்றபோது, ஈஸ்வரம்மா மகனின் சடலத்துடன் சாலை ஓரத்தில் அமர்ந்திருப்பதை கண்டு அதிர்ச்சி அடைந்தனர். உடனே அவர்கள் சடலத்தை வைக்கும் சவபெட்டியும், அந்த பெட்டியை மூட கவர்கள் மற்றும் சுரேஷின் கடைசி சடங்குகளை செய்ய பண உதவியும் செய்தனர்.
இச்சம்பவம் குறித்து கேள்விப்பட்ட சமூக ஆர்வளர் அசூட் ராவ் மாநில மனித உரிமை ஆணையத்தில் புகார் அளிக்கப்போவதாக தெரிவித்துள்ளார்.
சின்னகுட்டை தேக்கத்தை புரணமைக்க கோவை குளங்கள் பாதுகாப்பு அமைப்பு அமைப்புடன் கூட்டு சேர்ந்த ப்ரூக்ஃபீல்டு !
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
For English News
