September 16, 2017 
தண்டோரா குழு
கோவை அரசு மருத்துவமனையில் முதல் முறையாக இருதய நோயால் பாதிக்கப்பட்ட இரண்டு நபருக்கு இருதய வால்வு மாற்று அறுவை சிகிச்சை மேற்கொண்டு அதை வெற்றிகரமாக முடித்து அரசு மருத்துவர்கள் சாதனை புரிந்துள்ளனர்.
இதுக்குறித்து கோவை அரசு மருத்தவமனை முதல்வர் அசோகன் செய்தியாளர்களிடம் கூறுகையில்,
“சிலருக்கு குழந்தை பருவத்திலேயே மூட்டுகள் வீங்கி காய்ச்சல் ஏற்படும், இதனால் இருதயத்திற்கு செல்லும் ரத்த நாணங்கள்(வால்வு) பாதிக்கப்பட்டு மூச்சுதிணறல் ஏற்படும். இப்படிப்பட்ட சிரமங்களுடன் இருந்த இருவருக்கு அரசு மருத்துவமனையில் வெற்றிகரமாக இருதய வால்வு மாற்று அறுவை சிகிச்சை மேற்கொள்ளப்பட்டது.
தனியார் மருத்துவமனையில் இந்த சிகிச்சைகளுக்கு 4 லட்சம் ரூபாய் வரை செலவாகிறது, அரசு மருத்துவமனையில் அரசு காப்பீட்டு திட்டம் மூலம் அறுவை சிகிச்சை இலவசமாக மேற்கொள்ளப்படுகிறது.
தமிழகத்தில் சென்னை, கோவை மற்றும் மதுரை மாவட்டங்களில் உள்ள அரசு மருத்துவமனைகளில் மட்டுமே இந்த வகை அறுவை சிகிச்சைகள் மேற்கொள்ளப்படுகிறது. கோவையில் தொடர்ந்து, அரசு மருத்துவமனை மருத்துவர்கள் இது போன்ற நவீன அறுவை சிகிச்சைகளை வரும் காலங்களில் மேற்கொள்வார்கள்.” என்றார்.
தேவராஜ் வயது 13, கனகராஜ் வயது 27 இவர்களுக்கு தான் அரசு மருத்துவமனையில் வெற்றிகரமாக இருதய வால்வு மாற்று அறுவை சிகிச்சை மேற்கொள்ளப்பட்டது. இந்த அறுவை சிகிச்சையை வெற்றிகரமாக முடித்த மருத்துவர்களுக்கு அவர்கள் நன்றி தெரிவித்தனர்.
6 மாநிலங்களில் களைகட்டிய ஈஷா கிராமோத்சவம் இரண்டாம் கட்டப் போட்டிகள் -பெங்களூருவில் சத்குருவுடன் ராபின் உத்தப்பா பங்கேற்பு
கோவையில் தேசிய அளவிலான இந்திய பாரா கிரிக்கெட் லீக் போட்டி ஐபிசிஎல் 2.0 – மும்பை ரோட்டரி டவுன்டவுன் டைகர்ஸ் அணி வெற்றி
டிஎன்சிடி நிறுவனம் சார்பில் கோவையில் மேக்னம் சிட்டி திட்டம் அறிமுகம்
லயன்ஸ் கிளப் ஆப் கோயம்புத்தூர் கிறிஸ்டல் சார்பில் ஆதரவற்றோருக்கு உணவு வழங்கல்
சிறந்த கல்லூரிகளுக்கான NIRF தரவரிசை பட்டியலில் 9 வது இடம் பிடித்த பிஎஸ்ஜிஆர் மகளிர் கல்லூரி
லயன்ஸ் கிளப் ஆப் கோயம்புத்தூர் ஜுபிடர் சார்பில் ஆதரவற்ற முதியோருக்கு உணவு வழங்கல்
For English News
