September 14, 2017 
தண்டோரா குழு
ரயில் பயணத்தின்போது தங்கள் மொபைலில் உள்ள டிஜிட்டல் வடிவ ஆதார் அடையாள அட்டையை பயன்படுத்த ரயில்வே நிர்வாகம் அனுமதி அளித்துள்ளது.
ரயிலில் முன்பதிவு செய்து பயணம் செய்யும் பயணிகள் அடையாள அட்டையை எடுத்து செல்ல வேண்டும்.இந்நிலையில் தங்கள் பயணத்தின்போது, தங்கள் மொபைலில் உள்ள டிஜிட்டல் வடிவ ஆதாரை அடையாள அட்டையாக ஏற்க முடிவு செய்யப்பட்டுள்ளது.
இந்திய ஆதார் ஆணையம் அறிமுகப்படுத்தியுள்ள, ‘எம் ஆதார்’ ஆப்-பை பயன்படுத்தி ஆதார் அடையாள அட்டையை, மொபைல் போனுக்கு பதிவிறக்கம் செய்யலாம். மேலும்,ஆதார் அட்டையில், எந்த மொபைல் எண் உள்ளதோ, அந்த எண் பயன்படுத்தப்படும் மொபைல்போனில் மட்டுமே, இந்த, ஆப்-பை பதிவிறக்கம் செய்ய முடியும் என்பது குறிப்பிடத்தக்கது.
For English News
