June 3, 2016 
தண்டோரா குழு
பென்சில் படம், ஜி.வி. பிரகாஷ் நடிப்பில் அறிமுகப்படமாக வெளிவரவேண்டிய படம் நீண்ட தயாரிப்புக்குப் பின் தற்போது வெளியாகியுள்ளது. பென்சில் படத்தில் ஆசிரியர் வேடத்தில் வந்து தன்னை வில்லன் மாணவன் மிரட்டும்போதும், சக ஆசிரியருடன் காதல் மொழி பேசும்போதும் வித்தியாசமான நடிப்பை வெளிப்படுத்தி அனைவரின் கவனத்தையும் ஈர்த்தவர் சுஜா வருணி. இவர் சினிமாவில் தனக்கென ஒரு இடத்தைப் பிடிக்க நல்ல வாய்ப்புக்காகப் பொறுமையாக காத்திருக்கிறார்.
இது குறித்து கூறிய சுஜா வருணி, நடிப்புத் தொழிலில் நான் இப்போது நல்ல முன்னேற்றத்தைக் கண்டு வருகிறேன். எனக்கு எந்த ஒரு பிரச்சினையை மனதில் போட்டுக்கொண்டு புலம்பும் இயல்பு கிடையாது. அதே போல கிடைக்காத ஒன்றிற்காக ஆதங்கபாடுவதும் கிடையாது. மற்றவர் வளர்ச்சியைப் பார்த்து எனக்குப் பொறாமைப்படும் குணமும் கிடையாது. என் குறி அனைத்தும் தமிழக திரைத்துறையில் நீங்காத ஒரு இடத்தைப் பிடிக்க வேண்டும் என்பதே ஆகும் எனத் தெரிவித்துள்ளார்.
For English News
