August 24, 2017 
தண்டோரா குழு
சூடான் நாட்டுக்கான ரஷ்ய தூதர் சூடானில் உள்ள தனது இல்லத்தின் நீச்சல் குளத்தில் இறந்துகிடந்துள்ளார்.இச்சம்பவம் அங்கு அதிர்ச்சியை ஏற்படுத்தியுள்ளது.
சூடான் நாட்டிற்கான ரஷ்ய தூதர் மிர்கயாஸ் ஷிரின்ஸ்கி, அந்நாட்டின் தலைநகரமான கார்டோம் நகரிலுள்ள வீட்டின் நீச்சல் குளத்தில் புதன்கிழமை(ஆகஸ்ட் 23)அன்று இறந்து கிடந்தார். “அவருடைய மரணத்திற்கு என்ன காரணம் என்று சரியாக தெரியவில்லை. ஒரு வேலை அவருக்கு இருந்த உயர் இரத்த அழுத்தம் காரணமாக, இயற்கையாக இறந்திருக்க கூடும்,” என அதிகாரிகள் தெரிவித்துள்ளனர்.
சூடான் நாட்டின் வெளியுறவு துறை அமைச்சர், அவருடைய திடீர் மறைவுக்கு இரங்கல் தெரிவித்துள்ளார். மேலும் அவருடைய உடலை ரஷ்யாவிற்கு எடுத்து சென்று, முறைபடி அங்கு உடல் அடக்கம் செய்ய ஏற்பாடு செய்யப்படும் என்று தெரிவித்துள்ளார்.
For English News
