August 22, 2017 
தண்டோரா குழு
டிடிவி தினகரன் ஆதரவு 19 சட்டமன்ற உறுப்பினர்கள் தமிழக ஆளுநரை சந்திக்க அவரது இல்லம் சென்றுள்ளனர்.
ஓ.பி.எஸ், இபிஎஸ் அணிகள் நேற்று இணைந்தன. இதில் ஓ.பி.எஸ்.,சுக்கு துணை முதல்வர் பதவி வழங்கப்பட்டது. அமைச்சரவையும் மாற்றி அமைக்கப்பட்டுள்ளது.
இதனிடையே கட்சியின் துணை பொதுச்செயலாளர் டிடிவி தினகரன் தனது ஆதரவு எம்.எல்.ஏ.க்கள் 18 பேருடன் தீவிர அவசர ஆலோசனையில் ஈடுபட்டார்.
இந்நிலையில் அவரது ஆதரவு சட்டமன்ற உறுப்பினர்கள் ஆளுநரை சந்திக்க இன்று ஆளுநர் இல்லம் வந்துள்ளனர். இன்று விளாத்திக்குளம் எம்.எல்.ஏ., உமாமகேஸ்வரியும் அவருக்கு ஆதரவு தெரிவித்து ஆளுநர் மாளிகை வந்துள்ளார். இதனால் தினகரன் ஆதரவு சட்டமன்ற உறுப்பினர்களின் எண்ணிக்கை 19 ஆக உயர்ந்துள்ளது.
மேலும் டிடிவி தினகரனுக்கு தங்கள் ஆதரவை தெரிவித்தும், தமிழக முதலமைச்சரை மாற்ற வேண்டும் என ஆளுநர் வித்யாசாகர் ராவிடம் தினகரன் ஆதரவு எம்.எல்.ஏக்கள் வலியுறுத்தி கடிதம் ஒன்றை வலியுறுத்தி இருப்பதாகக் கூறப்படுகிறது.
For English News
