August 22, 2017 
தண்டோரா குழு
தினகரன் ஆதரவு எம்.எல்.ஏ.க்கள் 19 பேர் ஆளுநர் வித்யாசாகர் ராவை இன்று காலை சந்தித்தனர்.
இந்த சந்திப்பின் போது முதலமைச்சர் எடப்பாடி பழனிச்சாமியை நீக்கக்கோரி கடிதம் ஒன்றை அளித்தனர்.
தினகரன் ஆதரவு எம்எல்ஏக்கள் கவர்னர் வித்யாசாகர் ராவை சந்தித்து, தாங்கள் கையெழுத்திட்ட கடிதம் ஒன்றை வழங்கினர்.அதில் முதலமைச்சர் பழனிசாமி தலைமையிலான தமிழக அரசுக்கு அளித்து வந்த ஆதரவை திரும்பப் பெறுகிறோம் என்றும், ஆதரவு எம்.எல்.ஏக்களின் நம்பிக்கையை முதல்வர் இழந்து விட்டதாகவும், அதனால் அவரை மாற்ற வேண்டும் என்றும், விரைவில் சட்டப்பேரவையை கூட்ட வேண்டும் என்றும் கோரிக்கை விடுத்துள்ளனர்.
மேலும் இதுக் குறித்து பரிசீலனை செய்து நடவடிக்கை எடுப்பதாக ஆளுநர் வித்யாசாகர் ராவ் உறுதியளித்துள்ளதாக தினகரன் ஆதரவு எம்எல்ஏ தங்கதமிழ்செல்வன் கூறியுள்ளர்.
For English News
