August 9, 2017 
தண்டோரா குழு
பா.ஜ.க எம்பியும் முன்னாள் மத்திய அமைச்சருமான சன்வர்லால் ஜாட் டெல்லியில் இன்று காலமானார்.
ராஜஸ்தான் மாநிலம் அஜ்மீர் தொகுதிக்கு மக்களவை எம்.பியாக தேர்வு செய்யப்பட்டவர் சன்வர்லால் ஜாட். பாஜகவின் மூத்த தலைவராக திகழ்ந்த இவர் 2014ம் ஆண்டு முதல் 2016ம் ஆண்டு வரை மத்திய நீர்வளத் துறை இணையமைச்சராக பணியாற்றினார்.
இவர் கடந்த மாதம் ஜெய்ப்பூரில் அமித் ஷா தலைமையில் நடைபெற்ற பாஜக பொதுக் கூட்டத்தில் பங்கேற்ற போது திடீரென மயங்கி விழுந்தார்.இதையடுத்து ஜெய்ப்பூர் சவாய் மன் சிங் மருத்துவமனையில் அனுமதிக்கப்பட்டார். பின்னர் டெல்லி எய்ம்ஸ் மருத்துவமனைக்கு மேல்சிகிச்சைக்காக மாற்றப்பட்ட அவர் இன்று காலை சிகிச்சை பலனின்றி மரணமடைந்தார்.அவருடைய மறைவிற்கு பிரதமர் நரேந்திர மோடி இரங்கல் தெரிவித்துள்ளார்.
For English News
