July 24, 2017 
தண்டோரா குழு
தில்லியில் தொடர் போராட்டத்தில் ஈடுபட்டுள்ள தமிழக விவசாயி தூக்க மாத்திரை சாப்பிட்டு தற்கொலை முயற்சியில் ஈடுபட்டார்.
காவிரி மேலாண்மை வாரியம் அமைக்க வேண்டும், விவசாய கடன்களை தள்ளுபடி செய்ய வேண்டும், நதிகளை இணைக்க வேண்டும் உள்ளிட்ட கோரிக்கைகளை வலியுறுத்தி தில்லி ஜந்தர் மந்தரில் தமிழக விவசாயிகள் தொடர்ந்து ஒரு வாரத்திற்கும் மேலாக போராட்டத்தில் ஈடுபட்டு வருகின்றனர்.
இதனிடையே இன்று போராட்டத்தில் ஈடுபட்டிருந்த விவசாயி சுப்ரமணியன் தூக்க மாத்திரை உட்கொண்டு தற்கொலை முயற்சியில் ஈடுபட்டார். உடனடியாக அவர் மீட்கப்பட்டு அருகில் உள்ள மருத்துவமனையில் சேர்க்கப்பட்டார்.
கடந்த மே மாதம் விவசாயிகள் ஜந்தர் மந்தரில் தொடர்ந்து ஒரு மாதத்திற்கும் மேலாக போராட்டம் நடத்தினர் என்பது குறிப்பிடத்தக்கது.
For English News
