July 13, 2017 
தண்டோரா குழு
அண்ணா பல்கலையில் பொறியியல் படிப்புகளில் பொதுபிரிவினர்களுக்கான கலந்தாய்வு ஜூலை 23 முதல் ஆகஸ்ட் 11ஆம் தேதி நடைபெறும் என அமைச்சர் அன்பழகன் தெரிவித்துள்ளார்.
பொறியியல் படிப்பிற்கான கலந்தாய்வு தொடர்பான ஆலோசனை கூட்டம் இன்று அமைச்சர் அன்பழகன் தலைமையில் இன்று நடைபெற்றது.
கூட்டத்திற்கு பின் செய்தியாளர்களை சந்தித்த அமைச்சர் அன்பழகன்,
அண்ணா பல்கலையில் பொறியியல் படிப்புகளில் பொதுபிரிவினர்களுக்கான கலந்தாய்வு ஜூலை 23 முதல் ஆகஸ்ட் 11ஆம் தேதி நடைபெறும் என்றும் இதுவரை பொறியியல் படிப்பில் சேர 1.47 லட்சம் விண்ணப்பங்கள் வந்துள்ளன என்றும் கூறினார்.
மேலும்,19-ம் தேதி மாற்று திறனாளிகளுக்கான கலந்தாய்வு நடைபெறும் என்றும் அடுத்தாண்டு முதல் இணையதளம் வழியாக பொறியியல் கலந்தாய்வு நடைபெறும் என்றும் உயர் கல்வித்துறை அமைச்சர் அன்பழகன் கூறினார்.
முன்னதாக நீட் தேர்வு முடிவுகளுக்காக பொறியியல் கலந்தாய்வு ஒத்திவைக்கப்பட்டது என்பது குறிப்பிடத்தக்கது.
For English News
