June 27, 2017 
தண்டோரா குழு
ஐ.பி.எல். கிரிக்கெட் தொடருக்கான டைட்டில் ஸ்பான்சரை 2199 கோடி ரூபாய் கொடுத்து விவோ நிறுவனம் 5 வருடம் தக்க வைத்துள்ளது.
இந்திய கிரிக்கெட் வாரியத்தால் நடத்தப்படும் ஐ.பி.எல். (இந்தியன் பிரிமீயர் லீக்) டி20 கிரிக்கெட் தொடர் கடந்த 2008-ம் ஆண்டு தொடங்கப்பட்டது. ஆரம்பத்தில் பெரும் வரவேற்பு ஏதுமின்றி தான் இத்தொடர் துவங்கப்பட்டது.
ஆனால், தற்போது கிரிகெட் ரசிகர்கள் மத்தியில் நல்ல வரவேற்பை பெற்று உலகின் முன்னணி டி20 கிரிக்கெட் லீக் தொடராக ஐபிஎல் விளங்கி வருகிறது. இதில் பங்கேற்கும் வீரர்களுக்கு அணி உரிமையாளர்கள் கோடிக்கணக்கில் பணத்தை வாரி வழங்குகின்றனர். இதனால் சர்வதேச போட்டியில் விளையாடுவதை விட ஐ.பி.எல். தொடரில் விளையாடுவதற்கு அதிக ஆர்வம் காட்டி வருகின்றனர்.
அந்த வகையில் ஐபிஎல் இந்த தொடருக்கான டைட்டில் ஸ்பான்சரை பெறுவதிலும் முன்னணி நிறுவனங்களுக்கு மத்தியில் பெரும் போட்டி நிலவி வந்தது.
ஐ.பி.எல். தொடர் தொடங்கிய போது 2008-ம் ஆண்டு முதல் 2012-ம் ஆண்டு வரை கட்டுமான நிறுவனமான டி.எல்.எஃப். குரூப் டைட்டில் ஸ்பான்சராக இருந்தது. அதன்பின் ஐந்து வருடத்திற்கு 396 கோடி ரூபாய் என பெப்சி நிறுவனம் டைட்டில் ஸ்பான்சரை பெற்றது.அதனைத்தொடர்ந்து பெப்சியிடம் இருந்து 2014-15-ல் விவோ நிறுவனம் டைட்டில் ஸ்பான்சரை பெற்றது. எனினும், விவோவின் டைட்டில் ஸ்பான்சார் காலம் இந்த வருடத்தோடு முடிவடைந்தது.
இதையடுத்து, பிசிசிஐ 2018 முதல் 2022-ம் ஆண்டு வரை அடுத்த ஐந்து ஆண்டுக்கான டைட்டில் ஸ்பான்சருக்கு டெண்டர் கோரியது. இதனைப்பெற விவோ, ஓப்போ ஆகிய செல்போன் தயாரிப்பு நிறுவனங்கள் ஆர்வம் காட்டினர்.இறுதியில், ஓப்போவை விட விவோ அதிக தொகைக்கு கோரியிருந்தது. இதனால் விவோவிற்கு அடுத்த ஐந்து ஆண்டுக்கான டைட்டில் ஸ்பான்சர் வழங்கப்பட்டுள்ளது.
இதற்காக விவோ 2199 கோடி ரூபாய் கொடுக்க இருக்கிறது. இது கடந்த முறையை விட 554 சதவீதம் அதிகமாகும்.ஓப்போ 1430 கோடி ரூபாய்க்கு விருப்பம் தெரிவித்திருந்தது என்பது குறிப்பிடத்தக்கது.
டிஎன்சிடி நிறுவனம் சார்பில் கோவையில் மேக்னம் சிட்டி திட்டம் அறிமுகம்
லயன்ஸ் கிளப் ஆப் கோயம்புத்தூர் கிறிஸ்டல் சார்பில் ஆதரவற்றோருக்கு உணவு வழங்கல்
சிறந்த கல்லூரிகளுக்கான NIRF தரவரிசை பட்டியலில் 9 வது இடம் பிடித்த பிஎஸ்ஜிஆர் மகளிர் கல்லூரி
லயன்ஸ் கிளப் ஆப் கோயம்புத்தூர் ஜுபிடர் சார்பில் ஆதரவற்ற முதியோருக்கு உணவு வழங்கல்
ஆசிரியர் தினத்தை முன்னிட்டு அலையன்ஸ் கிளப் ஆப் கோயம்புத்தூர் சேரன் சார்பில் கௌரவிக்கப்பட்ட ஆசிரியர்கள் !
சத்குருவின் பிறந்த நாளில் காவேரி கூக்குரல் 1 லட்சம் மரக்கன்றுகள் நடவு – தமிழகமெங்கும் விவசாய நிலங்களில் நடப்பட்டது
For English News
