June 19, 2017 
தண்டோரா குழு
மத்திய அரசு பணியாளர் தேர்வாணையம் நடத்தும் குடிமைப்பணிக்கான முதல்நிலை தேர்வு கோயம்பத்தூர் மாவட்டத்தில் 22 மையங்களில் நேற்று (19.06.2017) நடைபெற்றது.
கோயம்புத்தூர் மாவட்டத்தில் நிர்மலா மகளிர் கலை மற்றும் அறிவியல் கல்லூரி,புனித மரியன்னை மேல்நிலைப்பள்ளி, புனித மைக்கல் மேல்நிலைப்பள்ளி, புனித காணிக்கை அன்னை மேல்நிலைப்பள்ளி, ஆகிய மையங்களிலும் மாற்றுத்திறனாளிகளுக்கான சிறப்பு தேர்வு மையமான சி.எஸ்.ஐ பெண்கள் மேல்நிலைப்பள்ளியிலும் நடைபெற்றது.தேர்வு நடைபெற்ற அனைத்து தேர்வு மையங்களிலும் மாவட்ட ஆட்சித்தலைவர் ஹரிஹரன் நேரில் பார்வையிட்டு ஆய்வு மேற்கொண்டார்.
இதுகுறித்து மாவட்ட ஆட்சித்தலைவர் ஹரிஹரன் கூறுகையில்,
கோயம்புத்தூர் மாவட்டத்தில் மத்திய அரசுப்பணியாளர் தேர்வாணையத்தால் நடத்தப்படும் குடிமைப்பணி முதனிலை போட்டித் தேர்வுகள் 22 மையங்களில் நடைபெற்றது. தேர்வெழுத விண்ணப்பித்திருந்த 8748 நபர்களில் 3943 நபர்கள் தேர்வெழுதினர், 4805 நபர்கள் தேர்வெழுதவில்லை.
இத்தேர்வினை கண்கானிக்க மத்திய அரசு பணியாளர் தேர்வாணையத்தால் கோவை மாவட்ட UPSC தேர்வு கண்காணிப்பு அலுவலர் தமிழக மின் ஆளுமைத்திட்ட ஆணையர் ஆனந்தராஜ் விஷ்ணுபாட்டில் , அவர்கள் நியமிக்கப்பட்டிருந்தார்கள்.
UPSC தேர்வு கண்காணிப்பு அலுவலர் அவர்களும் அனைத்து மையங்களிலும் நேரில் பார்வையிட்டு ஆய்வு மேற்கொண்டார். மேலும், துணை ஆட்சியர் 7 மொபைல் ஒருங்கிணைப்பாளர்கள் நியமிக்கப்பட்டிருந்தனர். மேலும் ஒவ்வொருமையத்திற்கும் கூடுதல் கண்காணிப்பாளர்கள் மற்றும் 43 உதவி மேற்பார்வையாளர்கள் பணியில் ஈடுபட்டு சிறப்பான முறையில் பணியாற்றினர். என்று கூறினார்.
டிஎன்சிடி நிறுவனம் சார்பில் கோவையில் மேக்னம் சிட்டி திட்டம் அறிமுகம்
லயன்ஸ் கிளப் ஆப் கோயம்புத்தூர் கிறிஸ்டல் சார்பில் ஆதரவற்றோருக்கு உணவு வழங்கல்
சிறந்த கல்லூரிகளுக்கான NIRF தரவரிசை பட்டியலில் 9 வது இடம் பிடித்த பிஎஸ்ஜிஆர் மகளிர் கல்லூரி
லயன்ஸ் கிளப் ஆப் கோயம்புத்தூர் ஜுபிடர் சார்பில் ஆதரவற்ற முதியோருக்கு உணவு வழங்கல்
ஆசிரியர் தினத்தை முன்னிட்டு அலையன்ஸ் கிளப் ஆப் கோயம்புத்தூர் சேரன் சார்பில் கௌரவிக்கப்பட்ட ஆசிரியர்கள் !
சத்குருவின் பிறந்த நாளில் காவேரி கூக்குரல் 1 லட்சம் மரக்கன்றுகள் நடவு – தமிழகமெங்கும் விவசாய நிலங்களில் நடப்பட்டது
For English News
