June 12, 2017 
தண்டோரா குழு
நீட் தேர்வு முடிவுகளை வெளியிட உச்சநீதிமன்றம் அனுமதி அளித்ததுள்ளது. இதனால் நீட் தேர்வு முடிவுகளை வெளியிட விதிக்கப்பட்ட தடை நீக்கப்பட்டுள்ளது.
மருத்துவ மாணவர் சேர்க்கைக்கான நீட் நுழைவுத் தேர்வு நாடு முழுவதும் சமீபத்தில் நடந்தது. இந்த தேர்வினை இந்தி அல்லது ஆங்கில மொழியில் 10.5 லட்சம் மாணவர்களும், தமிழ் உள்ளிட்ட 8 பிராந்திய மொழியில் 1.5 லட்சம் மாணவர்களும் எழுதினர்.
எனினும், தமிழ் மொழி வினாத்தாளிலும், ஆங்கில மொழி வினாத்தாளிலும் மாறுபட்ட கேள்விகள் கேட்கப்பட்டதாக தமிழக மாணவர்கள் குற்றம்சாட்டினர்.
இதற்கிடையில், தமிழ் மொழி வினாத்தாள் கடினமாக இருந்ததால், ஒரே மாதிரியான வினாத்தாளுடன் தேர்வு நடத்தப்பட வேண்டுமெனக் சென்னை உயர் நீதிமன்ற மதுரை கிளையில் வழக்கு தொடரப்பட்டது. இந்த வழக்கை விசாரித்த உயர் நீதிமன்றம், நீட் தேர்வு முடிவுகளை வெளியிட கடந்த மாதம் 24ம் தேதி இடைக்கால தடை விதித்தது. இந்த தடையை எதிர்த்து சிபிஎஸ்இ சார்பில் உச்ச நீதிமன்றத்தில் வழக்கு தொடர்ந்தது.
இந்நிலையில் இந்த வழக்கை இன்று விசாரித்த உச்சநீதிமன்றம், தேர்வு முடிவுகளை வெளியிட விதிக்கப்பட்ட தடையை நீக்கி உத்தரவிட்டுள்ளது. மேலும், இந்திய மருத்துவ கவுன்சில், சிபிஎஸ்இ இயக்குனர், மத்திய சுகாதார அமைச்சகம் பதில் மனு தாக்கல் செய்யவும் உத்தர விடப்பட்டுள்ளது.
அதைப்போல் மாநில நீதிமன்றங்கள் நீட் தேர்வு தொடர்பான வழக்கை விசாரிக்க வேண்டாம் என்றும் நீதிபதிகள் உத்தரவிட்டனர்.
இதையடுத்து, நீட் தேர்வு முடிவுகள் விரைவில் வெளியாகலாம் என தகவல் வெளியாகியுள்ளது.
டிஎன்சிடி நிறுவனம் சார்பில் கோவையில் மேக்னம் சிட்டி திட்டம் அறிமுகம்
லயன்ஸ் கிளப் ஆப் கோயம்புத்தூர் கிறிஸ்டல் சார்பில் ஆதரவற்றோருக்கு உணவு வழங்கல்
சிறந்த கல்லூரிகளுக்கான NIRF தரவரிசை பட்டியலில் 9 வது இடம் பிடித்த பிஎஸ்ஜிஆர் மகளிர் கல்லூரி
லயன்ஸ் கிளப் ஆப் கோயம்புத்தூர் ஜுபிடர் சார்பில் ஆதரவற்ற முதியோருக்கு உணவு வழங்கல்
ஆசிரியர் தினத்தை முன்னிட்டு அலையன்ஸ் கிளப் ஆப் கோயம்புத்தூர் சேரன் சார்பில் கௌரவிக்கப்பட்ட ஆசிரியர்கள் !
சத்குருவின் பிறந்த நாளில் காவேரி கூக்குரல் 1 லட்சம் மரக்கன்றுகள் நடவு – தமிழகமெங்கும் விவசாய நிலங்களில் நடப்பட்டது
For English News
