June 6, 2017 
தண்டோரா குழு
பாகுபலி 2 எல்லாம் ஒரு படமா, அதற்காக நான் பத்து ரூபாய் கூட செலவு செய்ய மாட்டேன்” என்று பிரபல மலையாளம் இயக்குனர் அடூர் கோபாலகிருஷ்ணன் தெரிவித்துள்ளார்.
உலக அளவில் ஒட்டுமொத்த சினிமாவையும் திரும்பி பார்க்க வைத்த படம் ராஜமெளலியின் பாகுபலி 2.இப்படம் உலகம் முழுவதும் 1700 கோடி வசூல் சாதனை படைத்து அனைவரையும் வியக்க வைத்துள்ளது.
இந்நிலையில், கேரள மாநிலம் கொச்சியில் நடந்த நிகழ்ச்சி ஒன்றில் பிரபல மலையாள இயக்குனர் அடூர் கோபாலகிருஷ்ணன், நடிகை கீது மோகன்தாஸ், நடிகர் ஃபஹத் பாசில் உள்ளிட்டோர் கலந்து கொண்டனர்.
அப்போது அந்நிகழ்ச்சியில் பேசிய அடூர் கோபாலகிருஷ்ணன்,
“1991ம் ஆண்டு வெளியான தெலுங்கு படமான பாதாள பைரவி போன்று தான் ‘பாகுபலி 2’ படமும். பாகுபலி 2 படத்தால் இந்திய சினிமா துறைக்கு எந்த பயனும் இல்லை. இது போன்ற படங்களை பார்க்க நான் பத்து ரூபாய் கூட செலவு செய்ய மாட்டேன்” என்று கூறினார். உலகம் முழுவதையும் திரும்பி பார்க்க வைத்த ‘பாகுபலி-2’ படத்தை பற்றி இப்படி ஒரு கருத்தினை ஏன் இவர் தெரிவித்தார்❓என்பதுதெரியவில்லை.
For English News
