May 26, 2017 
தண்டோரா குழு
உத்தரபிரதேஷ் முதலமைச்சரை தலித் மக்கள் சந்திக்கும் முன் சோப்பு, ஷாம்பூ போட்டு குளித்த பிறகு சந்திக்க வேண்டும் என்று அதிகாரிகள் உத்தரவிடப்பட்டதாக வெளியான தகவல், நாடு முழுவதும் அதிர்ச்சியை ஏற்படுத்தியுள்ளது.
உத்தரபிரதேஷ் முதலமைச்சர் யோகி ஆதித்யநாத் நேற்று(மே 25) குஷிநகர் மாவட்டத்திலுள்ள மணிப்பூர் கோட் என்னும் கிராமத்திற்கு சென்றிருந்தார்.
அங்குள்ள எலி பிடிக்கும் ‘முஷார்’ என்னும் இனத்தை சேர்ந்த மக்கள் வசித்து வருகின்றனர். முதலமைச்சர் அங்கு வருவதால், அவரை சந்திக்கும் முன், சோப்பு மற்றும் ஷாம்பூ போட்டு குளித்துவிட்டு சந்திக்க வேண்டும் என்று அந்த மாவட்ட அதிகாரிகள் தெரிவித்துள்ளனர் எனத் தகவல் வெளியானது.
இதுக்குறித்து அந்த கிராமத்தில் வசிக்கும் ஒருவர் கூறுகையில்,
“இதுவரை இந்த கிராமத்தை கண்டுக்கொள்ளாத மூத்த அதிகாரிகள் கிராமத்திற்கு வந்ததை கண்டு ஆச்சரியம் அடைந்தோம். புதிய கழிவறைகள் கட்டப்பட்டன. தாறுமாறாக இருந்த சாலைகள் செப்பனிடப்பட்டன. தெரு விளக்குகள் போடப்பட்டன. வாசனை நிறைந்த சோப்புகள், ஷாம்பூ மற்றும் சென்ட் ஆகியவற்றை கொடுத்தனர். முதலமைச்சரை சந்திப்பதற்கு முன் அவற்றை பயன்படுத்தி உங்களை சுத்தமாக வைத்திருங்கள். அதேபோல் உங்கள் வீடுகளையும் சுத்தமாக வைத்திருங்கள் என்று அதிகாரிகள் தெரிவித்தனர்” என்று கூறினார்.
சில நாட்களுக்கு முன், அம்மாவட்டத்தின் தியோரியா மாவட்டத்தை சேர்ந்த, ஜம்மு காஷ்மீரில் பணிபுரிந்த எல்லை பாதுகாப்பு படை வீரர் பிரேம் சாகர் வீரரின் குடும்பத்தை சந்திக்க முதல்வர் செல்வதிற்கு முன்பு, சாலைகள் சரி செய்யப்பட்டது.
படை வீரரின் வீட்டில் விளக்குகள் போடப்பட்டது. முதல்வர் அமரும் அறையில் குளிர் சாதன இயந்திரம் வைக்கப்பட்டது. ஆனால், அவர் அங்கு வந்து சென்ற பிறகு, வீரரின் வீட்டில் வைக்கப்பட்ட பொருட்கள் அனைத்தும், திரும்பி எடுக்கப்பட்டது என்பது குறிப்பிடத்தக்கது.
டிஎன்சிடி நிறுவனம் சார்பில் கோவையில் மேக்னம் சிட்டி திட்டம் அறிமுகம்
லயன்ஸ் கிளப் ஆப் கோயம்புத்தூர் கிறிஸ்டல் சார்பில் ஆதரவற்றோருக்கு உணவு வழங்கல்
சிறந்த கல்லூரிகளுக்கான NIRF தரவரிசை பட்டியலில் 9 வது இடம் பிடித்த பிஎஸ்ஜிஆர் மகளிர் கல்லூரி
லயன்ஸ் கிளப் ஆப் கோயம்புத்தூர் ஜுபிடர் சார்பில் ஆதரவற்ற முதியோருக்கு உணவு வழங்கல்
ஆசிரியர் தினத்தை முன்னிட்டு அலையன்ஸ் கிளப் ஆப் கோயம்புத்தூர் சேரன் சார்பில் கௌரவிக்கப்பட்ட ஆசிரியர்கள் !
சத்குருவின் பிறந்த நாளில் காவேரி கூக்குரல் 1 லட்சம் மரக்கன்றுகள் நடவு – தமிழகமெங்கும் விவசாய நிலங்களில் நடப்பட்டது
For English News
