March 20, 2017 
தண்டோரா குழு
சூப்பர் ஸ்டார் ரஜினிகாந்த் நடிப்பில் வெளிவந்த கபாலி படத்தின் வெற்றியைத் தொடர்ந்து இயக்குநர் ரஞ்சித் மீண்டும் ரஜினியை வைத்து அடுத்த படம் இயக்கவுள்ளார்.
இப்படம் கபாலி படத்தின் இரண்டாம் பாகமாக கூட இருக்கலாம் என்று எதிர்பார்க்கப்படுகிறது.இந்நிலையில், இப்படத்தில், ரஜினிக்கு ஜோடியாக பாலிவுட் நடிகை நடிக்கவுள்ளார் என்றும் கூறப்படுகிறது. இந்நிலையில், ரஞ்சித் இயக்கத்தில் ரஜினி நடிக்கும் புதிய படத்தில் கிட்டத்தட்ட 25 வருடங்களுக்குப் பிறகு குஷ்பு முக்கிய கதாபாத்திரத்தில் நடிக்கவுள்ளார். இதனை ஒரு டுவீட் மூலம் அவரே உறுதிபடுத்தியுள்ளார்.
இதற்கு முன் தர்மத்தின் தலைவன், அண்ணாமலை, மன்னன் மற்றும் பாண்டியன் ஆகிய படங்களில் இணைந்து நடித்துள்ளனர் என்பது குறிப்பிடத்தக்கது.
ரஜினி – பா.ரஞ்சித் இணையும் இப்படத்தைதனுஷின் ஒண்டர்பார் நிறுவனம் தயாரிக்கிறது. ஷங்கரின் 2.0 படத்தின் டப்பிங் பணிகள் முடிந்த பிறகு இப்படத்தின் படப்பிடிப்பு ஜூன் மாதம் தொடங்கும் என்று எதிர்பார்க்கப்படுகிறது.
For English News
