July 27, 2026 
தண்டோரா குழு
கோயம்புத்தூரில் உள்ள GRG Gen Nxt இன்குபேட்டர் சார்பில், செயற்கை நுண்ணறிவு (AI) மற்றும் அக்ரி-டெக் (Agri-Tech) துறைகளில் செயல்படும் வருவாய் ஈட்டும் தொடக்க நிறுவனங்களுக்கான முதல் LaunchPad Pitch Competition 2026 வெற்றிகரமாக நடைபெற்றது.
இந்தியாவின் பல்வேறு மாநிலங்களிலிருந்து 70 தொடக்க நிறுவனங்கள் விண்ணப்பித்த நிலையில், 16 நிறுவனங்கள் இறுதிச்சுற்றுக்கு தேர்வு செய்யப்பட்டு முதலீட்டாளர்கள் மற்றும் தொழில் நிபுணர்கள் முன் தங்களது தொழில் யோசனைகளை விளக்கின.
ஒவ்வொரு நிறுவனமும் 7 நிமிட பிட்ச் மற்றும் 3 நிமிட கேள்வி-பதில் அமர்வில் பங்கேற்றன. நிகழ்வில் ஏஞ்சல் முதலீட்டாளர்கள், வெஞ்ச்சர் கேபிடலிஸ்டுகள் மற்றும் தொழில் தலைவர்கள் கலந்து கொண்டு நிறுவனங்களின் வளர்ச்சி வாய்ப்புகளை மதிப்பீடு செய்தனர்.
AI பிரிவில் Xploro.io முதல் பரிசான ₹50,000, Minie Labs இரண்டாம் பரிசான ₹25,000, Intoleads மூன்றாம் பரிசான ₹10,000 பெற்றன.
Creamstack மற்றும் Vidmagin ஆகிய நிறுவனங்களுக்கு தலா ₹5,000 சிறப்புப் பரிசு வழங்கப்பட்டது.Agri-Tech பிரிவில் Oscillo Machines முதல் பரிசான ₹50,000 மற்றும் Grow Your Farms இரண்டாம் பரிசான ₹25,000 பெற்றது. மொத்தமாக ₹1.20 லட்சம் பணப்பரிசுகள் வழங்கப்பட்டதுடன்,தேர்வான நிறுவனங்களுக்கு GRG Gen Nxt Virtual Incubation Programme (VIP) வாய்ப்பு, முதலீட்டாளர் வழிகாட்டுதல் மற்றும் ₹50 லட்சம் வரை முதலீட்டு அணுகல் வழங்கப்படவுள்ளதாக அறிவிக்கப்பட்டது.
StartupTN, Startup Singam, Prime Bottomline Ventures, NativeLead மற்றும் TiE Coimbatore ஆகியவை இந்த நிகழ்விற்கு ஆதரவு அளித்தன. AI மற்றும் Agri-Tech துறைகளில் கோயம்புத்தூரை முன்னணி புதுமை மையமாக உருவாக்கும் நோக்கில் இதுபோன்ற முதலீட்டாளர் மையப்படுத்தப்பட்ட நிகழ்வுகள் தொடர்ந்து நடத்தப்படும் என்று GRG Gen Nxt தெரிவித்துள்ளது.
For English News
