March 14, 2026 
தண்டோரா குழு
கோவை அருகே செயல்பட்டு வரும் ஏ.ஜே.கே கலை மற்றும் அறிவியல் கல்லூரியில் 15வது பட்டமளிப்பு விழா இன்று கல்லூரி வளாகத்தில் சிறப்பாக நடைபெற்றது.
இந்த நிகழ்ச்சியில் சென்னை உயர் நீதிமன்ற நீதிபதி விக்டோரியா கெளரி சிறப்பு விருந்தினராக கலந்து கொண்டு பட்டம் பெற்ற மாணவர்களுக்கு பட்டங்களை வழங்கி வாழ்த்தினார்.
விழாவில் அவர் பேசுகையில்,
“நீங்கள்தான் நாளைய தலைவர்கள். வாழ்க்கையில் முன்னேறுவதற்கு ஒரு அடிப்படை பட்டம் மட்டும் போதாது. தொடர்ந்து கற்றுக்கொள்வதன் மூலம் தான் முன்னேற்றம் பெற முடியும். விஞ்ஞானமும் மனித ஆற்றலும் வளர வளர, நமக்கு கிடைக்கும் வாய்ப்புகளும் அதிகரித்து கொண்டே செல்கின்றன.அந்த வாய்ப்புகளை பயன்படுத்திக் கொள்ள தொடர்ந்து கற்றுக்கொண்டு முன்னேற வேண்டும்” என்று மாணவர்களுக்கு அறிவுரை வழங்கினார்.
விழாவில் 252 மாணவர்கள் பட்டம் பெற்றனர். இந்த நிகழ்ச்சியில் கல்லூரி செயலாளர் அஜித் குமார் லால் மோகன், கல்லூரி இயக்குனர் பிந்து அஜித், கல்லூரி முதல்வர் எஸ். ராஜு உள்ளிட்ட நிர்வாகிகள், பேராசிரியர்கள் மற்றும் மாணவர்கள் கலந்து கொண்டனர்.
For English News
