January 24, 2017 
தண்டோரா குழு
வெளிநாட்டு வகை குளிர்பானங்களான பெப்சி, கோக-கோலா ஆகியவை மார்ச் 1 தேதி முதல் கடைகளில் விற்கப்படமட்டாது என தமிழ்நாடு வணிகர் சங்கங்களின் பேரமைப்பு அறிவித்துள்ளது.
ஜல்லிக்கட்டுப் போட்டிக்கு ஆதரவாக நிரந்தர சட்டம் கொண்டு வரவேண்டும் என இளைஞர்கள் சார்பில் மிகப் பெரிய போராட்டம் நடந்தது. இந்தப் போராட்டத்தின் போது ஜல்லிக்கட்டுக்கு நிரந்தர தீர்வை வலியுறுத்தியதுடன், விவசாயிகளின் தற்கொலை தடுக்கப்பட வேண்டும், வெளிநாட்டு வகை பெப்சி, கொக-கோலா ஆகிய குளிர்பானங்களுக்கும் தடை விதிக்க வேண்டும் என்ற கோரிக்கையும் எழுந்தது.
இந்நிலையில், ஜல்லிக்கட்டு போட்டிக்குத் தீர்வு கிடைத்துள்ள நிலையில், பெப்சி, கொககோலா ஆகிய வெளிநாட்டு குளிர்பானங்கள் மார்ச் 1ம் தேதி முதல் விற்கப்படமாட்டாது என்று தமிழ்நாடு வணிகர் சங்கங்களின் பேரமைப்பு அறிவித்துள்ளது.
போராட்டத்தில் கோரிக்கை விடுத்ததைப் போல் பெப்சி, கோக் ஆகிய பானங்களுக்கு இந்தியாவில் தடை விதிக்க இயலாது என்பதால், மார்ச் 1ம் தேதி முதல் அந்த வகை பானங்களை விற்பனை செய்ய மாட்டோம்” என்று வணிகர் அமைப்பு அறிவித்துள்ளது.
மேலும், இந்தத் தடை மூலம் இந்திய குளிர்பானங்களுக்கு லாபம் கிடைக்கும். இந்திய பணம் வெளிநாடுகள் செல்லாமல், நம் நாட்டிலேயே இருப்பதால் பொருளாதாரம் வளர்ச்சி பெறும் என்பது குறிப்பிடத்தக்கது.
For English News
