January 3, 2017 
தண்டோரா குழு
அளவுக்கு அதிகமாக மது அருந்தி விமானி அறைக்குள் (காக்பிட்) மயங்கி விழுந்த விமானியை போலீசார் கைது செய்து சிறையில் அடைத்தனர்.கனடா நாட்டில் விமானம் புறப்படும் நேரத்தில் நடந்த இச்சம்பவம் பரபரப்பை ஏற்படுத்தியுள்ளது.
இது குறித்து விமான அதிகாரி ஒருவர் செய்தியாளர்களிடம் திங்கள்கிழமை (ஜனவரி 2) கூறியதாவது:
மேற்கு கனடாவில் உள்ள கல்காரி விமான நிலையத்திலிருந்து மெக்ஸிகோவிற்கு 1௦௦ பயணிகளுடன் போயிங் 737 ரக விமானம் புறப்படத் தயாரானது. இந்நிலையில் விமானத்தை ஓட்ட வேண்டிய 37 வயதான விமானி ஒருவர் அளவுக்கு அதிகமாக மது அருந்தி, விமானி ஓட்டிகளின் அறைக்குள் மயங்கி விழுந்துள்ளார்.
உடனே விமான ஊழியர்கள் விமான நிலையத்தில் இருந்த அதிகாரிகளுக்கு இது குறித்து தகவல் கொடுத்துள்ளனர். அதிகாரிகள் உடனே அங்கு விரைந்து வந்து, குடிபோதையில் கிடந்த விமானியை விமானத்தில் இருந்து வெளியேற்றினர்.
அவரைச் சோதனை செய்த போது அனுமதிக்கப்பட்ட அளவை விட மூன்று மடங்கு மது அருந்தியிருந்தது தெரியவந்தது. இதனையடுத்து மற்றொரு விமானியைக் கொண்டு அந்த விமானம் இயக்கப்பட்டது. விமானச் சட்டங்களைச் சரியாக பின்பற்றத் தவறியதால் குற்றம் சாட்டப்பட்ட அந்த விமானி சிறையில் அடைக்கப்பட்டார். இது குறித்து விசாரணை நடைபெறுகிறது.
இவ்வாறு அவர் தெரிவித்தார்.
கலைக்கு மொழி தடையில்லை என ஜாக்கி படத்தை இயக்கிய மலையாள பட இயக்குனர் பிரகபல்
நடப்பு நிதியாண்டின் 3வது காலாண்டில் முதல் முறையாக உஜ்ஜீவன் ஸ்மால் பைனான்ஸ் வங்கியின் நிகர வட்டி வருமானம் ரூ.1,000 கோடியாக உயர்வு
ஏ.ஜே.கே கலை மற்றும் அறிவியல் கல்லூரியில் கடல்வாழ் உயிரின கண்காட்சி – ஆர்வமுடன் ரசித்த மாணவர்கள்
டிவிஎஸ் மோட்டார் நிறுவனம் கோவையில் விஜய் டிவிஎஸ் டீலர்ஷிப்பை தொடங்கியது
டிஜே அகாடமி ஆஃப் டிசைன் கல்லூரி, சி.ஐ.ஐ.- யங் இந்தியன்ஸ் சார்பில் “லெட்ஸ் டாக் இன் கோவை” எனும் தனித்துவமான கலந்துரையாடல் நிகழ்ச்சி துவக்கம்
இயற்கை உயிரினங்களை பாதுகாப்பதில் கூடுதல் கவனம் செலுத்துவது அவசியம் – கோவை ஜிஆர்ஜி அறக்கட்டளை நிறுவனர்கள் தின விழாவில் சுப்ரியா சாஹு பேச்சு
For English News
