August 31, 2018 
தண்டோரா குழு
இந்தியா-இங்கிலாந்து அணிகளுக்கு இடையேயான 4வது டெஸ்ட் கிரிக்கெட் போட்டியில் முதல் இன்னிங்ஸில் இங்கிலாந்து அணி 246 ரன்களுக்கு அனைத்து விக்கெட்களையும் இழந்தது.
இந்தியா- இங்கிலாந்து அணிகள் மோதும் 4-வது டெஸ்ட் போட்டி சவுத்தாம்ப்டனில் நேற்று தொடங்கியது.இப்போட்டியில்,டாஸ் வென்ற இங்கிலாந்து அணி பேட்டிங்கை தேர்வு செய்தது.இப்போட்டியில் இந்தியா தரப்பில் 3-வது டெஸ்டில் விளையாடிய அதே அணியே விளையாடியது.இங்கிலாந்து அணி தரப்பில் காயம் காரணமாக வோக்ஸ் மற்றும் பென் ஸ்டோக்ஸ் பதிலாக இளம் வீரர் சாம் குர்ரன் மற்றும் மொயின் அலி ஆகியோர் அணியில் சேர்க்கப்பட்டனர்.
இதனையடுத்து இங்கிலாந்து அணி 86 ரன்களுக்கு 6 விக்கெட்டை இழந்து தடுமாறியது.அதன்பின் மொய்ன் அலி,சாம் குர்ரன் ஜோடி சரிவில் இருந்து மீட்டது. சாம்குர்ரன் 78 ரன்னும்,மொய்ன்அலி 40 ரன்னும் எடுத்தனர்.இறுதியில் இங்கிலாந்து அணி 76.4 ஓவரில் 246 ரன்களுக்கு அனைத்து விக்கெட்டுகளையும் இழந்தது. இந்திய அணி தரப்பில் பும்ரா 3 விக்கெட்டும்,இஷாந்த்சர்மா,முகமது சமி,அஸ்வின் தலா 2 விக்கெட்டும்,பாண்ட்யா ஒரு விக்கெட்டும் கைப்பற்றினர்.
பின்னர் விளையாடிய இந்தியா அணி முதல் நாள் ஆட்ட நேர முடிவில் விக்கெட் இழப்பின்றி 19 ரன் எடுத்து இருந்தது.ஷிகா தவான் 3 ரன்னுடனும்,லோகேஷ் ராகுல் 11 ரன்னுடனும் களத்தில் உள்ளனர்.
மேலும்,நேற்றைய டெஸ்ட் போட்டிகளில் 2 விக்கெட்கள் எடுத்தது மூலம் 250 விக்கெட்டுக்களை வீழ்த்திய 3-வது இந்திய வேகப்பந்து வீச்சாளர் எனும் சாதனையை இஷாந்த் சர்மா படைத்துள்ளார் என்பது குறிப்பிடத்தக்கது.
வேளாண்சார் தொழில்களுக்கு மகத்தான எதிர்காலம்! – 5,000 பேர் பங்கேற்ற ஈஷா அக்ரி ஸ்டார்ட்-அப் திருவிழா 2.O-இல் முன்னோடி தொழில் முனைவோர்கள் பேச்சு
பெர்க்ஸ் பப்ளிக் பள்ளி சிபிஎஸ்இன் 4-ம் ஆண்டு விளையாட்டு தினம்
கோவை வசந்தவாசல் கவி மன்றத்தின் 30 ஆம் ஆண்டு தொடக்க விழா
ஒப்பணக்கார வீதி தி சென்னை சில்க்ஸில் ஆவணி மாத சுபமுகூர்த்த தினங்களை முன்னிட்டு, திருமண பட்டு பெருவிழாவின் துவக்க விழா
கோவை கரி மோட்டார் ஸ்பீடுவே மைதானத்தில் நடைபெற்ற இந்தியன் ரேசிங் லீக் கார் பந்தய போட்டி !
கோவை பன் மாலில் ” Feel Like a Soldier ” எனும் தலைப்பில் மாணவர்களுக்கான ராணுவ அனுபவ நிகழ்வு
For English News
