October 11, 2017 
இந்திய அணிக்கு எதிரான இரண்டாவது டி-20 போட்டியில் ஆஸ்திரேலிய அணி, 8 விக்கெட் வித்தியாசத்தில் வெற்றி பெற்றது.
இந்தியா வந்துள்ள ஆஸ்திரேலிய அணி, ஒருநாள் தொடரை 4-1 என இழந்தது. இந்நிலையில் இரு அணிகளும் 3 போட்டிகள் கொண்ட டி-20 கிரிக்கெட் தொடரில் பங்கேற்கிறது.
முதல் டி-20 போட்டியில் இந்திய அணி 9 விக்கெட் வித்தியாசத்தில் அசத்தல் வெற்றியை பதிவு செய்தது. இரு அணிகள் மோதும் இரண்டாவது டி-20 போட்டி கவுஹாத்தியில் நடந்தது. இதில் ‘டாஸ்’ வென்ற ஆஸ்திரேலிய கேப்டன் வார்னர், முதலில் பீல்டிங் தேர்வு செய்தார்.
இதையடுத்து களமிறங்கிய இந்திய அணிக்கு ரோகித் சர்மா (8), தவான் (2), கோலி (0), பாண்டே (6) என ‘டாப்-ஆர்டர்’ பேட்ஸ்மேன்களை பெஹர்டெண்டிராப் பெவிலியனுக்கு அனுப்பினார். அடுத்து வந்த ஜாதவ் (27), தோனி (13), பாண்டியா (25) நீண்டநேரம் தாக்கு பிடிக்கவில்லை. இதையடுத்து இந்திய அணி, 20 ஓவரில் 118 ரன்களுக்கு ஆல் அவுட்டானது.
எட்டக்கூடிய இலக்கை துரத்திய ஆஸ்திரேலிய அணிக்கு துவக்க வீரர்களான வார்னர் (2), பின்ச் (8) சொதப்பலாக வெளியேறினர். பின் வந்த ஹென்ரிக்ஸ், ஹெட் ஜோடி பொறுப்பான ஆட்டத்தை வெளிப்படுத்தியது. இந்திய பவுலர்களை மிகச்சுலபமாக சமாளித்த இந்த ஜோடி அணியை வெற்றிப்பாதைக்கு அழைத்து சென்றது. இதையடுத்து ஆஸ்திரேலிய அணி 15.3 ஓவரில் 2 விக்கெட்டுக்கு 122 ரன்கள் எடுத்து வெற்றி பெற்றது.
இந்த வெற்றியின் மூலம் 3 போட்டிகள் கொண்ட டி-20 தொடரை 1-1 என ஆஸ்திரேலிய அணி சமன் செய்தது. இந்த தோல்வியின் மூலம் சுமார் 70 ஆண்டுகளுக்கு பின் ஆஸ்திரேலிய அணிக்கு எதிரான 4 தொடர்களை கைப்பற்றும் வாய்ப்பை இந்திய அணி தவறவிட்டது. ஆனால் அடுத்த போட்டியில் இந்திய அணி வெல்லும் பட்சத்தில் இந்த சாதனையை இந்திய அணி வசமாக்கலாம்.
வேளாண்சார் தொழில்களுக்கு மகத்தான எதிர்காலம்! – 5,000 பேர் பங்கேற்ற ஈஷா அக்ரி ஸ்டார்ட்-அப் திருவிழா 2.O-இல் முன்னோடி தொழில் முனைவோர்கள் பேச்சு
பெர்க்ஸ் பப்ளிக் பள்ளி சிபிஎஸ்இன் 4-ம் ஆண்டு விளையாட்டு தினம்
கோவை வசந்தவாசல் கவி மன்றத்தின் 30 ஆம் ஆண்டு தொடக்க விழா
ஒப்பணக்கார வீதி தி சென்னை சில்க்ஸில் ஆவணி மாத சுபமுகூர்த்த தினங்களை முன்னிட்டு, திருமண பட்டு பெருவிழாவின் துவக்க விழா
கோவை கரி மோட்டார் ஸ்பீடுவே மைதானத்தில் நடைபெற்ற இந்தியன் ரேசிங் லீக் கார் பந்தய போட்டி !
கோவை பன் மாலில் ” Feel Like a Soldier ” எனும் தலைப்பில் மாணவர்களுக்கான ராணுவ அனுபவ நிகழ்வு
For English News
