July 7, 2018 
தண்டோரா குழு
இந்தியாவிற்கு எதிரான இரண்டாவது டி 20 போட்டியில் 5 விக்கெட் வித்தியாசத்தில் இங்கிலாந்து அணி வெற்றி பெற்றது.
இங்கிலாந்து – இந்தியா இடையேயான போட்டியில் டாஸ் வென்ற இங்கிலாந்து அணி கேப்டன் மோர்கன் பந்து வீச்சை தேர்வு செய்தார்.இந்திய அணியின் தொடக்க ஆட்டக்காரர்களாக ரோகித் சர்மாவும்,ஷிகர் தவானும் களமிறங்கினர்.ரோகித் சர்மா 5 ரன்களிலும்,ஷிகர் தவான் 10 ரன்களிலும்,லோகேஷ் ராகுல் 6 ரன்களிலும் வெளியேறினர்.
பின்னர் களமிறங்கிய கேப்டன் விராட் கோலியும்,சுரேஷ் ரெய்னாவும் நிதானமாக ஆடினர்.
கேப்டன் விராட் கோலி நிலைத்து நின்று விளையாடி 47 ரன்கள் எடுத்து அணியின் ரன் எண்ணிக்கையை உயர்த்தினார்.இறுதியில்,இந்தியா நிர்ணயிக்கப்பட்ட 20 ஓவர்களில் 5 விக்கெட் இழப்புக்கு 148 ரன்கள் எடுத்தது.
பின்னர் 149 ரன்கள் எடுத்தால் வெற்றி என்ற இலக்குடன் களமிறங்கிய இங்கிலாந்து வீரர்கள் சிறப்பாக விளையாடி, 19.4 ஓவரில் 5 விக்கெட் இழப்புக்கு 149 ரன்கள் எடுத்து வெற்றி பெற்றனர். இங்கிலாந்து அணியில் ஹேல்ஸ் 41 பந்தில் 3 சிக்சர்,4 பவுண்டரி உள்பட 58 ரன்கள் எடுத்து ஆட்டமிழக்காமல் இருந்தார்.இதையடுத்து மூன்று போட்டிகள் கொண்ட டி 20 தொடர் 1-1 சமநிலையில் உள்ளது.
For English News
