March 4, 2019 
தண்டோரா குழு
சர்வதேச போட்டிகளில் இருந்து வெளியேற போவதாக ஏற்கனவே அறிவித்திருந்த வெஸ்ட் இண்டீஸ் வீரர் கிறிஸ் கெயில், கடைசி போட்டியில் இங்கிலாந்து அணியின் பந்து வீச்சை தெறிக்கவிட்டுள்ளார்.
ஒருநாள் போட்டிகளில் நம்பர் 1 அணியான இங்கிலாந்து கடைசியாக விளையாடிய 14 தொடர்களில் 12 தொடர்களை வென்று, பலவீனமான அணி என்று கருதப்பட்ட வெஸ்ட் இண்டீஸ் அணியை அதன் சொந்த மண்ணில் எதிர்கொண்டது. 7 மாதங்களுக்கு பிறகு சர்வதேச போட்டிகளுக்கு கம்பேக் கொடுத்த கெயில் சிறந்த பவுலர்களை கொண்ட இங்கிலாந்து அணியை தெறிக்கவிட்டார். இங்கிலாந்துக்கு எதிரான 4 இன்னிங்க்ஸில் 134.17 என்ற அபார ஸ்ட்ரைக் ரேட்டுடன் விளையாடிய அவர் 412 ரன்கள் குவித்தார். 106 பேட்டிங் சராசரி, 2 சதங்கள், 2 அரைசதங்கள் என வரலாற்றில் மிகச்சிறந்த தொடராக கெயிலுக்கு அமைந்தது. தனது சொந்த மண்ணில் விளையாடும் கடைசி தொடர் இது என்பது குறிப்பிடத்தக்கது. ஓய்வு முடிவை அறிவித்து தனது சொந்த மண்ணில் கடைசி தொடரை விளையாடிய கெயிலின் ஆட்டத்தில் சில பந்துகள் மைதானத்திற்கு வெளியே சென்றது.
இது குறித்து கெயில் கூறுகையில்,
ரசிகர்களை சந்தோஷ படுத்தவே இறங்கி விளையாடினேன். வெஸ்ட் இண்டீஸ் அணி தான் நம்பர்.1 அணி”. இந்த சீருடையை அணிந்து கொண்டு சொந்த மண்ணில் நான் விளையாடும் கடைசி போட்டி இது. மிகவும் கௌரவமாக இருக்கிறது.
கடைசி போட்டியில் கூட 27 பாலில் 77 ரன் எடுத்து பேயாட்டம் ஆடினார் கெயில். அடுத்து தொடங்கவிருக்கும் ஐபிஎல் தொடரில் பஞ்சாப் அணிக்காக அவர் விளையாட இருக்கிறார் என்பது குறிப்பிடத்தக்கது.
எல்ஜி அதன் புதிய ஆயில்-லூப்ரிகேட்டட் ஸ்க்ரூ ஏர் கம்பிரஸர்களை உள்ளடக்கிய ‘ஈஜி சூப்பர் பிரீமியம்’ வரம்பை அறிமுகம் செய்துள்ளது
ஆன்மீகப் பணிகளை மீண்டும் தொடங்கினார் சத்குரு!
நாடாளுமன்றத் தேர்தலில் அ.தி.மு.க.கூட்டணிக்கு ஆதரவு ஐக்கிய முஸ்லிம் முன்னேற்ற கழகம் அறிவிப்பு
பி.எஸ்.ஜி பாலிடெக்னிக் கல்லூரியில் மாணவர்களின் படைப்புகள் கண்காட்சி
வாக்களிக்கும் உரிமையையும், பொறுப்பையும் கையிலெடுங்கள்! – சத்குரு
குமரகுரு கல்லூரி மாணவர்களால் உருவாக்கப்பட்ட எரிசக்தி படகு, சர்வதேச போட்டியில் மூன்றாவது முறையாக பங்கேற்கிறது!
For English News
