October 13, 2017 
tamilsamayam.com
17 வயதுக்கு உட்படோருக்கான கால்பந்து உலகக்கோப்பை தொடரின் இன்றைய லீக் போட்டியில் கானா அணியிடம் இந்திய அணி படு தோல்வியடைந்து தொடரில் இருந்து வெளியேறியது.
இந்தியாவில் சர்வதேச கால்பந்து கூட்டமைப்பு (பிபா) நடத்தும் 17 வயதுக்கு உட்பட்டோருக்கான கால்பந்து உலகக் கோப்பை தொடர் நடக்கிறது. இதில் இந்திய அணி உட்பட சுமார் 24 சர்வதேச அணிகள் பங்கேற்கிறது.
இதில் டெல்லியில் நடந்த ‘குரூப்-ஏ’ பிரிவின் லீக் போட்டியில் கானா, இந்தியா அணிகள் மோதின. இதில் இந்திய அணி கட்டாய வெற்றியை நோக்கி களமிறங்கியது. ஆனால் போட்டியின் துவக்கம் முதல் இந்திய அணி வீரர்கள் சொதப்பலான ஆட்டத்தை வெளிப்படுத்தினர்.
போட்டியின் 43வது நிமிடத்தில் கானா வீரர் ஆய்யா முதல் கோல் அடித்தார். இதற்கு இந்திய வீரர்களால் பதிலடி கொடுக்க முடியவில்லை. இதனால் முதல் பாதியில் கானா அணி 1-0 என முன்னிலை பெற்றது.
பின் இரண்டாவது பாதியிலும் ஆதிக்கம் செலுத்திய கானா அணிக்கு, ஆய்யா (52) மீண்டும் ஒரு கோல் அடித்தார். தொடர்ந்து டான்சோ (86), டோக்கு (87) இரட்டை அடிகொடுக்க அந்த அணியின் வெற்றி உறுதியானது.
கடைசி வரை போராடிய இந்திய அணி வீரர்களால் ஒரு கோல் கூட அடிக்க முடியவில்லை.
இறுதியில் 4-0 என்ற கோல்கணக்கில் கானா அணி அபார வெற்றி பெற்று அடுத்த சுற்றுக்கு முன்னேறிது. பங்கேற்ற மூன்று போட்டியிலும் தோல்வியடைந்த இந்திய அணி உலகக்கோப்பை தொடரில் இருந்து வெளியேறியது.
அமெரிக்கா தோல்வி:
இதே போல நவி மும்பையில் நடந்த மற்றொரு ‘ஏ’ பிரிவு லீக் போட்டியில், அமெரிக்கா, கொலம்பியா அணிகள் மோதின. இதில் கொலம்பியா அணிக்கு விடால் (3), பெனலோசா (67), காய்செடோ (87) ஆகியோர் கோல் அடித்தனர். அமெரிக்க அணிக்கு அகாஸ்டா (24) ஒரு கோல் மட்டும் அடித்தார். முடிவில், கொலம்பியா அணி 3- 1 என்ற கோல் கணக்கில் வெற்றி பெற்றது.இந்த லீக்கில் கொலம்பியா, கானா, அமெரிக்கா அணிகள் அடுத்த சுற்றுக்கு தகுதி பெற்றது.
வேளாண்சார் தொழில்களுக்கு மகத்தான எதிர்காலம்! – 5,000 பேர் பங்கேற்ற ஈஷா அக்ரி ஸ்டார்ட்-அப் திருவிழா 2.O-இல் முன்னோடி தொழில் முனைவோர்கள் பேச்சு
பெர்க்ஸ் பப்ளிக் பள்ளி சிபிஎஸ்இன் 4-ம் ஆண்டு விளையாட்டு தினம்
கோவை வசந்தவாசல் கவி மன்றத்தின் 30 ஆம் ஆண்டு தொடக்க விழா
ஒப்பணக்கார வீதி தி சென்னை சில்க்ஸில் ஆவணி மாத சுபமுகூர்த்த தினங்களை முன்னிட்டு, திருமண பட்டு பெருவிழாவின் துவக்க விழா
கோவை கரி மோட்டார் ஸ்பீடுவே மைதானத்தில் நடைபெற்ற இந்தியன் ரேசிங் லீக் கார் பந்தய போட்டி !
கோவை பன் மாலில் ” Feel Like a Soldier ” எனும் தலைப்பில் மாணவர்களுக்கான ராணுவ அனுபவ நிகழ்வு
For English News
