• Download mobile app
13 May 2021, ThursdayEdition - 1919
FLASH NEWS
  • 16-வது சட்டப்பேரவையின் சபாநாயகராக அப்பாவு தேர்வு
  • மே 1ஆம் தேதி முதல் 18 வயதிற்கு மேற்பட்ட அனைவருக்கும் கொரோனா தடுப்பூசி – மத்திய அரசு அனுமதி
  • ரஷ்யாவின் ‘Sputnik V’ தடுப்பூசிக்கு மத்திய அரசு ஒப்புதல் அளித்தது !
  • நடிகர் ரஜினிக்கு தாதாசாகேப் பால்கே விருது அறிவிப்பு
  • அரசு ஊழியர்கள் ஓய்வு பெறும் வயது 60 ஆக உயர்த்தி தமிழக அரசு அறிவிப்பு!
  • 2021 ஆண்டில் 9, 10, 11ஆம் வகுப்பு மாணவ-மாணவிகள் பொதுத்தேர்வு இன்றி தேர்ச்சி – முதலமைச்சர்
  • சசிகலா அ.தி.மு.க கொடியைப் பயன்படுத்துவது சட்டவிரோதம் – அமைச்சர் ஜெயக்குமார்
  • “அடக்குமுறைகளுக்கு அடிபணியமாட்டேன்” – சசிகலா

மீண்டும் மின்னல் வேகத்தில் ஸ்டம்பிங் செய்த தோனி குவியும் பாராட்டு !

January 26, 2019 தண்டோரா குழு

இந்திய நியூசிலாந்து அணிகளுக்கிடையேயான இரண்டவாது ஒருநாள் போட்டி மவுன்ட் மவுன்கனுயில் இன்று நடந்தது. இதில், ‘டாஸ்’ வென்ற இந்திய அணி கேப்டன் கோஹ்லி பேட்டிங் தேர்வு செய்தார். முதலில் பேட்டிங் செய்த இந்திய அணி 50 ஓவரில் 4 விக்கெட்டுக்கு 324 ரன்கள் எடுத்தது. தோனி (48), ஜாதவ் (22) அவுட்டாகாமல் இருந்தனர். நியூசிலாந்து சார்பில் அதிகபட்சமாக பவுல்ட், பெர்குசன் தலா 2 விக்கெட் வீழ்த்தினர்.

பின்னர், 325 ரன்கள் எடுத்தால் வெற்றி என்ற இலக்குடன் களமிறங்கிய நியூஸிலாந்து அணிக்கு சீரான இடைவெளியில் விக்கெட்களை இழந்து 40.2 ஓவரில்234 ரன்களை மட்டுமே எடுத்து அனைத்து விக்கெட்களையும் இழந்து தோல்வியை தழுவியது. இந்தியா சார்பில் அதிகபட்சமாக குல்தீப் 4 விக்கெட் வீழ்த்தினார்.

இந்நிலையில் இப்போட்டியில் 18வது ஓவரை கேதர் ஜாதவ் வீசினார். அப்போது அந்த ஓவரின் முதல் பந்தை எதிர்கொண்ட ராஸ் டெய்லர் முன்னால் வந்து விளையாட முயன்றார்.ஆனால், பந்து பேட்டில் படாமல் தோனி கைக்கு சென்றது. உடனே பந்தை பிடித்த தோனி, கண்ணிமைக்கும் நேரத்திலும் எளிதில் ஸ்டம்பிங் செய்து நியூசிலாந்து வீரர்களை மிரள வைத்தார். இதில் ஆச்சரியமே வெறும் 0.08 நொடிகளில் இந்த ஸ்டம்பிங்கை செய்துள்ளார் தோனி. கள நடுவரே சற்று நேரம் ஆச்சரியப்பட்டு அவுட்டா? இல்லையா? என்ற முடிவை மூன்றாவது நடுவருக்கு அனுப்பினார். பின்னர் மூன்றாவது நடுவர் அவுட் என அறிவித்தார்.

ஓடுவதில் மட்டுமல்ல ஸ்டம்பிங் செய்வதிலும் தோனி சிறுத்தை வேகத்தில் செயல்படுகிறார் என்பதை இதன் மூலம் மீண்டும் நிரூபித்துள்ளார். இதையடுத்து சமூக வலைதளங்களில் பலரும் தோனியை பாராட்டி வருகின்றனர்.

மேலும் படிக்க