December 2, 2016 
தண்டோரா குழு
அரசுப் போக்குவரத்து ஊழியர்களுக்கு நிர்வாகம் தவணை முறையில் ஊதியம் வழங்குவதாகக் கூறி, கண்டித்து போக்குவரத்துத் தொழிலாள ர்கள் பிச்சையெடுக்கும் போராட்டத்தை நடத்தினர். இதனால் பரபரப்பு ஏற்பட்டது.
ரூபாய் நோட்டுகள் செல்லாதவை என்ற அறிவிப்பை அடுத்து, பணத் தட்டுப்பாடு ஏற்பட்டதன் விளைவாக அரசு போக்குவரத்து கழகத்தில் பணியாற்றும் தொழிலாளர்களுக்கு முழு ஊதியத்தை வழங்காமல் மூவாயிரம் ருபாய் ரொக்கத்தை கையிலும் ஒரு பகுதி சம்பளத்தை வங்கியிலும் செலுத்தியுள்ளனர்.
மீதி ஊதியம் சில தினங்கள் கழித்தே தரப்படும் என நிர்வாகத் தரப்பில் தெரிவிக்கப்பட்டது. இதனையடுத்து, மத்திய அரசைக் கண்டித்தும் உரிய முன்னேற்பாடுகள் செய்யாத மாநில அரசின் நடவடிக்கையைக் கண்டித்தும் கோவை கோட்டத்திற்குட்பட்ட அனைத்துப் பணிமனைகளிலும் போக்குவரத்து ஊழியர்கள் ஆர்ப்பாட்டத்தில் ஈடுபட்டனர்.
இதன் ஒருபகுதியாக கோவை சுங்கம் பணிமனையின் முன்பு நடைபெற்ற போராட்டத்திற்கு சிஐடியு அரசு போக்குவரத்து ஊழியர் சங்கத்தின் சம்மேளன துணைத் தலைவர் ப. காளியப்பன் தலைமை தாங்கினார்.
“இந்த ஆர்ப்பாட்டத்தில் பங்கேற்ற தொழிலாளர்கள் மாதம் முழுவதும் உழைத்த தொழிலாளர்கள் தவனை முறையில் ஊதியம் தருவதை ஒருபோதும் ஏற்க முடியாது என்றும், வீட்டு வாடகை, மருத்துவம், கல்விச் செலவு உள்ளிட்டவற்றைச் செய்ய முடியாமல் தவிக்கிறோம்.
பிச்சையெடுப்பதைத் தவிர வேறு வழியில்லை” எனக் கூறி பிச்சையெடுக்கும் நூதனப் போராட்டத்தில் ஈடுபட்டனர்.
மேலும், மத்திய, மாநில அரசுகளைக் கண்டித்து முழக்கங்களை எழுப்பினர்.அரசுப் போக்குவரத்து தொழிலாளர்களின் இந்தப் போராட்டத்தால் அப்பகுதியில் சிறிது நேரம் பரபரப்பு ஏற்பட்டது. முன்னதாக கோவை கோட்டத்திற்குட்பட்ட அனைத்து பணிமனைகளின் முன்பும் கண்டன ஆர்ப்பாட்டம் நடைபெற்றது.
கோவையில் நடைபெற்ற பெரிதினும் பெரிது கேள் : தொழில் முனைவோருக்கான மாபெரும் வழிகாட்டும் நிகழ்வு
தனிஷ்க் ஜுவல்லரியில் உங்கள் பழைய தங்கத்திற்கு புதிய நம்பிக்கை தொடர்கிறது- நவம்பர் 30 வரை சிறப்பு எக்ஸ்சேஞ்ச் திருவிழா நீடிக்கப்படுகிறது!
உஜ்ஜிவன் ஸ்மால் ஃபைனான்ஸ் பேங்க்–ன் வணிக செயல்திறன் ,புத்தகம் ஆண்டுக்கு ஆண்டு 52.9% அதிகரித்து ரூ.16,173 கோடியாக உயர்ந்துள்ளது
வி.ஜி.எம். மருத்துவமனையில் ‘சிந்தனைக் கவிஞர்’ கவிதாசனின் ‘உயர்தனிச் செம்மொழி’ புத்தகம் வெளியீடு
சத்குரு குறித்து பரவும் போலி விளம்பரங்களை நீக்க தொழில்நுட்பத்தைப் பயன்படுத்தவும் கூகுள் நிறுவனத்திற்கு டெல்லி உயர்நீதிமன்றம் உத்தரவு
உங்களுக்குள் வெளிச்சம் பரவட்டும்; வாழ்க்கை ஒளிரட்டும்! – சத்குருவின் தீபாவளி வாழ்த்து செய்தி
For English News
