October 8, 2016 
தண்டோரா குழு
காவிரி மேலாண்மை வாரியம் அமைக்காததைக் கண்டித்து வரும் 15ம் தேதி தமிழகக் காங்கிரஸ் கட்சி சார்பில் உண்ணாவிரதப் போராட்டம் நடைபெறும் என தமிழகக் காங்கிரஸ் கட்சித் தலைவர் திருநாவுக்கரசர் அறிவித்துள்ளார்.
காவேரி நீர் விவகாரம் தொடர்பாக தமிழக அரசும், கர்நாடக அரசும் உச்ச நீதிமன்றத்தில் வழக்கு தொடர்ந்துள்ளன. இதனிடையே காவேரி விவகாரம் தொடர்பாக மேலாண்மை வாரியம் அமைக்கப்பட வேண்டும் என மத்திய அரசுக்கு உச்ச நீதிமன்றம் உத்தரவிட்டிருந்தது.
ஆனால், காவிரி மேலாண்மை வாரியம் அமைக்க மறுப்புத் தெரிவித்து மத்திய அரசு உச்ச நீதிமன்றத்தில் மனு தாக்கல் செய்துள்ளது. இதனைக் கண்டித்துத் தமிழகத்தில் பல கட்சியினர் போராட்டம் நடத்தி வருகின்றனர். நேற்று தஞ்சாவூரில் ஸ்டாலின் தலைமையில் திமுக சார்பில் உண்ணாவிரதப் போராட்டம் நடைபெற்றது.
இந்த நிலையில் வரும் 15ம் தேதி தமிழ்நாடு காங்கிரஸ் கமிட்டி சார்பாக உண்ணாவிரத போராட்டம் திருச்சியில் நடைபெறும் என தமிழக காங்கிரஸ் கட்சி தலைவர் திருநாவுக்கரசர் அறிவித்துள்ளார். இது குறித்து செய்தியாளர்களிடம் பேசிய அவர், மத்திய அரசைக் கண்டித்து நடைபெற உள்ள இந்த அறப் போராட்டத்தில் காங்கிரஸ் கட்சியின் மூத்த தலைவர்களான கே.ஆர்.ராமசாமி, ப.சிதம்பரம், ஈவிகேஎஸ். இளங்கோவன் உள்ளிட்ட பலர் பங்கேற்க உள்ளதாக கூறினார்.
மேலும், காவிரி விவகாரத்தில் மத்திய அரசு தமிழக அரசுக்கு துரோகம் செய்வதாகவும் திருநாவுக்கரசர் குற்றம் சாட்டியுள்ளார்.
ஈஷா மஹாசிவராத்திரியை முன்னிட்டு ஆதியோகி ரத யாத்திரை வேலூருக்கு வரும் 22-ஆம் தேதி வருகை
ஹோண்டா மோட்டார்சைக்கிள் & ஸ்கூட்டர் இந்தியா தனது போக்குவரத்து பயிற்சி பூங்கா இன் 9வது ஆண்டு விழாவை கொண்டாடியது
‘தயவு செய்து வளர்ந்திடுங்கள்’ என்னும் புதிய சாலை பாதுகாப்பு பிரச்சாரம்: உஜ்ஜீவன் ஸ்மால் பைனான்ஸ் வங்கி துவக்கியது
ஈஷாவில் பொங்கல் திருவிழா: கவனம் ஈர்த்த நாட்டு மாடுகள், கிராமிய கலை நிகழ்ச்சிகள் மற்றும் வெளிநாட்டவரின் சிலம்பம்!
கே.எம்.சி.எச். மருத்துவமனை வளாகத்தில் நரம்பியல் சிகிச்சை மற்றும் ஓபிடி சிகிச்சைக்கான புதிய கட்டிட திறப்பு !
கோவை ப்ரூக்ஃபீல்ட்ஸ் மாலில் ‘டக்அவுட்’ (DUGOUT) எனும் ஸ்போர்ட்ஸ் & என்டர்டெயின்மென்ட் மையம் துவக்கம்
For English News
