May 16, 2018 
தண்டோரா குழு
தமிழகம் முழுவதும் இன்று +2 தேர்வுகள் வெளியானது.இந்த ஆண்டு பொதுத் தேர்வில் 91.1% பேர் தேர்ச்சி பெற்றுள்ளனர். இதில் 87.7% மாணவர்களும், 94.1% மாணவிகளும் தேர்ச்சி அடைந்துள்ளனர்
தேர்வு முடிவுகள் குறித்து தமிழக பள்ளிக்கல்வித் துறை அமைச்சர் செங்கோட்டையன் கூறுகையில்,
இந்த ஆண்டு பொதுத் தேர்வில் 91.1% பேர் தேர்ச்சி பெற்றுள்ளனர். இதில் 87.7% மாணவர்களும், 94.1% மாணவிகளும் தேர்ச்சி அடைந்துள்ளனர்.இந்த ஆண்டும் மாணவிகளே, மாணவர்களை விட அதிக அளவில் தேர்ச்சி பெற்றுள்ளனர்.
4,847 மாணவ, மாணவிகள் 1151 முதல் 1180 மதிப்பெண்கள் வரை பெற்றுள்ளனர். 8,510 மாணவ, மாணவிகள் 1126 முதல் 1150 மதிபெண்கள் பெற்றுள்ளனர். 71,368 மாணவ,மாணவிகள் 1001 முதல் 1100 மதிப்பெண்கள் வரை பெற்றுள்ளனர் 1,07,266 மாணவ,மாணவிகள் 901-1000 மதிப்பெண்கள் வரை பெற்றுள்ளனர் 1,65,425 மாணவ,மாணவிகள் 701 முதல் 800 மதிப்பெண்கள் வரை பெற்றுள்ளனர் 700 மதிப்பெண்களுக்கு கீழ் 8,60,434 மாணவ, மாணவிகள் தேர்ச்சி பெற்றுள்ளனர்.
தேர்ச்சி விகிதம் அடிப்படையில் 97 சதவீதம் தேர்ச்சியுடன் விருதுநகர் மாவட்டம் முதலிடத்தில் உள்ளது. 96.3 சதவீதத்துடன் ஈரோடு மாவட்டம் 2வது இடத்திலும், 96.1 சதவீதத்துடன் திருப்பூர் மாவட்டம் 3வது இடத்திலும் உள்ளன.
மேலும்,பிளஸ் 2 பொதுத்தேர்வில் 100 சதவிகிதம் தேர்ச்சி பெற்ற அரசுப் பள்ளிகளின் எண்ணிக்கை 238 ஆகவும், ஜூன் 25 ஆம் தேதி பிளஸ் 2 மறுதேர்வு நடத்தப்படும் என்று தெரிவித்துள்ளார்.
பாட வாரியாக தேர்ச்சி விகிதம்:
இயற்பியல்- 96.4%
வேதியியல்- 95.0%
கணிதம்- 96.1%
உயிரியியல்- 96.34
விலங்கியல்- 91.9%
தாவரவியல்- 93.9%
வணிகவியல்- 90.30%
கணக்குபதிவியல்- 91%
கணினி அறிவியல்- 96.1%
For English News
