November 9, 2016 
தண்டோரா குழு
வெளியிடப்பட உள்ள புதிய ரூபாய் நோட்டுகளில் மகாத்மா காந்தி மட்டுமல்லாமல் நேதாஜி, அம்பேத்கர் உள்ளிட்ட முக்கிய தேசத் தலைவர்களின் படங்களையும் அச்சிட வேண்டும் என்று இந்து மக்கள் கட்சித் தலைவர் அர்ஜுன் சம்பத் கோரிக்கை விடுத்தார்.
பிரதமர் நரேந்திர மோடி 500 ரூபாய், 1000 ரூபாய் நோட்டுகள் செல்லாது என அறிவித்துள்ளதை இந்து மக்கள் கட்சியினர் வரவேற்று கோவையில் பட்டாசு வெடித்து இனிப்புகள் வழங்கி கொண்டாடினர்.
இந்தியா முழுவதும் 500-1000 ரூபாய் நோட்டுகள் செல்லாது என பிரதமர் மோடி அறிவித்தார், இதற்கு ஆதரவு தெரிவித்து இந்து மக்கள் கட்சியினர் கோவை மாவட்ட ஆட்சியர் அலுவலம் முன்பு பட்டாசு வெடித்து, பொது மக்களுக்கு இனிப்புகள் வழங்கி கொண்டாடி வரவேற்றனர்.
மேலும், இது குறித்துப் பேசிய அக்கட்சியின் மாநில தலைவர் அர்ஜுன் சம்பத், “பிரதமர் மோடியின் இந்த அதிரடி அறிவிப்பால் நாட்டின் பதுக்கி வைக்கப்பட்ட கறுப்புப் பணம் வெளியே வரும், பணப்பதுக்கல் குறையும். இரண்டு நாள் பொதுமக்கள் சிரமத்தைப் பொறுத்துக் கொண்டால், பழைய நோட்டுகளை வங்கிகளில் மாற்றிக் கொள்ளலாம்.
வெளியிடப்பட உள்ள புதிய ரூபாய் நோட்டுகளில் மகாத்மா காந்தி மட்டுமல்லாமல் நேதாஜி, அம்பேத்கர் உள்ளிட்ட முக்கிய தேசத் தலைவர்களின் படங்களையும் அச்சிட வேண்டும் எனவும் பணத்தின் வடிவமாக இருக்ககூடிய லட்சுமி, கணபதியின் படங்கள் இடம் பெறவேண்டும்” என்று அவர் கேட்டுக் கொண்டார்.
விவசாய நிலங்களில் விளைவது அனைத்தும் விவசாயிகளுக்கே சொந்தம்! பிரிட்டிஷ் கால சட்டங்களை மாற்ற மத்திய அமைச்சரிடம் சத்குரு கோரிக்கை
குளோபல் பீஸ் கோப்பை : 400 வீராங்கனைகள் கலந்து கொள்ளும் கால்பந்து போட்டிகள் – கோவையில் நடக்கிறது!
PSG & Sons Charities வழங்கும் “காதம்பரி 2026′ இசை விழா ஜன 2ம் தேதி துவக்கம் !
உலகத் தமிழ்ப் பண்பாட்டு மையம் 12 ஆம் ஆண்டு விழா மற்றும் சிற்பி 90 ஆம் அகவை விழா
எம்ஜிஆர் இளைஞர் அணி செயலாளர் ‘இன்ஜினியர்’ சந்திரசேகர் மீண்டும் அதிமுகவில் இணைந்தார்
பாண்டிய நாட்டை வலம் வரும் ஆதியோகி ரத யாத்திரை – மதுரையில் பாடல் பெற்ற சிவத்தலங்கள் வழியாக பயணம்
For English News
