July 23, 2016 
தண்டோரா குழு
ஜப்பானில் தனது 100வது வயதில் பின்புற நீச்சல் போட்டியில் மிய்க்கோ நகோக்கா என்ற மூதாட்டி உலக சாதனை படைத்துள்ளார்.
ஜப்பான் நாட்டிலுள்ள மட்சுயாமா என்ற நகரில் மாஸ்டர்ஸ் நீச்சல் போட்டி நடைபெற்றது. இந்தப் போட்டியின் பெண்கள் பிரிவுக்கான பின்புற நீச்சல் போட்டியில் 100 வயது மூதாட்டி மிய்க்கோ நகோக்கா கலந்து கொண்டார். அவர், 1500 மீட்டர் தூரத்தை 1 மணி நேரம் 15 நிமிடம் 54 விநாடிகளில் பின் புறமாக நீச்சலடித்து உலக சாதனை படைத்துள்ளார்.
1914 ஆம் ஆண்டு பிறந்த இவர் நீச்சல் தெரியாமல் இருந்து வந்து உள்ளார். இந்நிலையில், அவரது முழங்காலில் ஏற்பட்ட பிரச்சினை காரணமாக 82 வயதில் நீச்சல் பயிற்சியைக் கற்றுக்கொண்டுள்ளார். இதைத் தொடர்ந்து, கடந்த 2002ம் ஆண்டு நியூசிலாந்தில் உள்ள கிரைஸ்ட்சர்ச் நகரில் நடைபெற்ற நீச்சல் போட்டியில் முதல் முறையாகக் கலந்துகொண்டார். அங்கு 50 மீட்டர் பின்புற நீச்சல் போட்டியில் வெண்கல பதக்கம் வென்றார்.
மேலும், 2004ம் ஆண்டு இத்தாலியில் நடைபெற்ற 50 மீட்டர், 100 மீட்டர் மற்றும் 200 மீட்டர் பின்புற நீச்சல் போட்டிகளில் வெள்ளி பதக்கங்களை வென்று சாதனை படைத்து வந்தார். தொடர்ந்து, அவரது 90வது வயதில் ஜப்பான் நாட்டின் தேசிய நீச்சல் வீராங்கனை என்ற அங்கீகாரத்தைப் பெற்றார்.
அவர், 800 மீட்டர் ப்ரீ ஸ்டைல் பின்புற நீச்சல் போட்டியில் கலந்து கொண்டு தேசிய அளவில் சாதனை படைத்தார். இந்நிலையில் தற்போது, ஜப்பானில் நடைபெற்ற மாஸ்டர்ஸ் நீச்சல் போட்டியில் பெண்கள் ப்ரி ஸ்டைல் பிரிவுக்கான 1500 மீட்டர் பின்புற நீச்சல் போட்டியில் கலந்து கொண்டு உலக சாதனை படைத்துள்ளார்.
சாதனைகளுக்கு முதுமை தடையல்ல என்பதையும் மன வலிமையும் பயிற்சியும் இருந்தால் எந்த வயதிலும் சாதனை படைக்கலாம் என்பதையும் மூதாட்டி மிய்க்கோ நகோக்கா நிரூபித்துள்ளார்.
ஐஐஐடி சங்கம் கோவை கிளை சார்பில் கோவையில் 300 அடி அகல சுவர் ஓவியம்
கோவை பீளமேட்டில் உள்ள பி.எஸ்.ஜி மேலாண்மை கல்லூரியின் பட்டமளிப்பு விழா
குமரகுரு நிறுவனங்கள் பயோ இன்டஸ்ட்ரி கான்க்ளேவ் 2024ஐ நடத்தியது
கோவை மேயர், துணை மேயர் ஆதரவில் வாட்ஸ் அப் குழுவில் டெண்டர் ஒதுக்கீடு – லஞ்ச ஒழிப்பு போலீசார் விசாரணை
எல்ஜி அதன் புதிய ஆயில்-லூப்ரிகேட்டட் ஸ்க்ரூ ஏர் கம்பிரஸர்களை உள்ளடக்கிய ‘ஈஜி சூப்பர் பிரீமியம்’ வரம்பை அறிமுகம் செய்துள்ளது
ஆன்மீகப் பணிகளை மீண்டும் தொடங்கினார் சத்குரு!
For English News
