August 5, 2016 
தண்டோரா குழு
மும்பையில் மூன்றாவது நாளாக இன்றும் கனமழை பெய்து வருகிறது. இதனால் சாலைகளில் வெள்ள நீர் பெருக்கெடுத்து ஓடிவருகிறது.கனமழை காரணமாக மும்பை விமான நிலையத்தில் விமானங்கள் தாமதமாகியுள்ளன. சில விமானங்கள் சுற்றிச்செல்லவும், ஒரு விமானம் திருப்பியும் விடப்பட்டுள்ளது.
இதனால் மும்பையில் பொது மக்களின் இயல்பு வாழ்க்கை பாதிக்கப்பட்டுள்ளது. கனமழை காரணமாக ரயில் போக்குவரத்திலும் தாமதம் ஏற்பட்டுள்ளது குறிப்பிடத்தக்கது.கனமழை காரணமாக மால்ஜி ரத்தோவு சவுக், பிபிடி காலனி, சியோன், கிங் சர்கிள், ஹிந்த் மாதா, பிரதிக்ஷா நகர் மற்றும் நேஷனல் கல்லூரி பகுதிகளில் வெள்ள நீர் சூழ்ந்துள்ளது. பந்தராவில் உள்ள லீலாவதி மருத்துவமனை பகுதிகள், மேற்கு எக்ஸ்பிரஸ் சாலை, கிழக்கு பிரிவே, தாதர் பகுதிகளில் போக்குவரத்து நெரிசல் ஏற்பட்டுள்ளது.
இதனிடையே, மும்பை – கோவா இடையிலான பாலம் இடிந்து விழுந்தது தெரியாமல் சென்று ஆற்றுக்குள் விழுந்த பேருந்தைத் தேடும் பணி 3வது நாளாகத் தொடர்ந்து நடைபெற்றது. இந்தச் சூழ்நிலையில், தேடும் பணியை பார்வையிடச் சென்ற அமைச்சர் பிரகாஷ் மேத்தா, செல்பி எடுத்துக் கொண்டது சமூக வலைத்தளங்களில் வைரலாக பரவி வருகிறது.
இதனிடையே மும்பை கோவா மஹத் பாலம் இடிந்த போது வெள்ளத்தில் சிக்கிய பேருந்தில் இருந்து 22 பேர் உடல்கள் மீட்கப்பட்டுள்ளன எனவும், அவர்களில் 21 பேரின் உடல்கள் அடையாளம் காணப்பட்டுள்ளதாக மாவட்ட ஆட்சித் தலைவர் ஷீத்தல் உகாலே தெரிவித்துள்ளார்.
செயற்கை நுண்ணறிவுத் தொழில்நுட்பத்தோடு தமிழை இணைப்பதே இன்றைய காலத்தின் தேவை: மகாகவி பாரதியாரின் எள்ளுப்பேரன் நிரஞ்சன் பாரதி
இந்தியாவின் நீரிழிவு மேலாண்மை தடைகளை நிவர்த்தி செய்ய புதுமை ஆதரவு விழிப்புணர்வுக்கு நிபுணர்கள் அழைப்பு
க்ரோமாவின் அதிரடி குடியரசு தின விற்பனை: ஆப்பிள், சாம்சங் மற்றும் பல முன்னணி தயாரிப்புகளுக்கு இதுவரையில்லாத கவர்ச்சிகரமான சலுகைகள்!
ஈஷா மஹாசிவராத்திரியை முன்னிட்டு ஆதியோகி ரத யாத்திரை வேலூருக்கு வரும் 22-ஆம் தேதி வருகை
ஹோண்டா மோட்டார்சைக்கிள் & ஸ்கூட்டர் இந்தியா தனது போக்குவரத்து பயிற்சி பூங்கா இன் 9வது ஆண்டு விழாவை கொண்டாடியது
‘தயவு செய்து வளர்ந்திடுங்கள்’ என்னும் புதிய சாலை பாதுகாப்பு பிரச்சாரம்: உஜ்ஜீவன் ஸ்மால் பைனான்ஸ் வங்கி துவக்கியது
For English News
