September 1, 2016 
தண்டோரா குழு
மகாராஷ்டிர மாநில ஆளுநருக்குக் கூடுதல் பொறுப்பாகத் தமிழக ஆளுநராக நியமித்து குடியரசுத்தலைவர் பிரணாப் முகர்ஜி நியமித்து உத்தரவிட்டுள்ளார்.
கடந்த 2011-ஆம் ஆண்டு ஆகஸ்ட் மாதம் 31-ம் தேதி முந்தைய காங்கிரஸ் ஆட்சியில் தமிழக ஆளுநராக கே.ரோசையா நியமிக்கப்பட்டார்.ஆளுநர்களின் பதவிக்காலம் 5 ஆண்டுகள் ஆகும்.அதன்படி, ரோசையாவின் பதவிக் காலம் நிறைவடைந்தது.
இதையெடுத்து தமிழக ஆளுநராக குஜராத் முன்னாள் முதல்வர் ஆனந்திபென் பட்டேல் நியமிக்கப்பட்ட வாய்ப்பு உள்ளதாக அரசியல் வட்டாரத்தில் பேசப்பட்டு வந்தன.
இந்நிலையில், தமிழக ஆளுனரை நியமிக்கும் வரை அப்பதவியின் பொறுப்பை கூடுதலாக மகாராஷ்டிரா மாநில ஆளுநர் சென்னமனேணி வித்யாசாகர் ராவ் கவனிப்பார் எனக் குடியரசுத்தலைவர் பிரணாப்முகர்ஜி தற்போது உத்தரவிட்டுள்ளார்.
ஆளுநர் ரோசையா,ஆந்திர மாநிலம் குண்டூர் மாவட்டம் வெமுரு என்ற ஊரில் 1933 ஆம் ஆண்டு ஜூலை 4ம் தேதி பிறந்தார். காங்கிரஸ் கட்சியைச் சேர்ந்த இவர் ஆந்திர அமைச்சரவையில் இருமுறை போக்குவரத்து அமைச்சராகவும், ஒருமுறை உள்துறை அமைச்சராகவும்,4 முறை நிதி அமைச்சராகவும் பொறுப்பு வகித்துள்ளார்.
மேலும்,ஆந்திராவில் முதல்வராக இருந்த ஒய்.எஸ்.ராஜசேகர ரெட்டி மறைவுக்குப் பின் ரோசையா முதல்வராக நியமிக்கப்பட்டார்.ஆனால்,தெலுங்கானா போராட்டத்தைத் தொடர்ந்து,கடந்த 2011ம் ஆண்டு ஜூன் மாதம் 24ம் தேதி தனது முதல்வர் பதவியை ராஜினாமா செய்தார்.
இதனைத் தொடர்ந்து அடுத்த 2 மாதத்தில் தமிழக ஆளுநராக ரோசையா நியமிக்கப்பட்டார் என்பது குறிப்பிடத்தக்கது.
சர்வதேச மாற்றுத்திறனாளிகள் தினம்: சூயஸ் நிறுவனம் சார்பில் கோவை ஜெயம் சிறப்புப் பள்ளியில் சிறப்பு நிகழ்ச்சி
இந்தியக் கிரிக்கெட்டுக்கு வண்ணம் சேர்க்கும் அதிகாரப்பூர்வமான பங்காளராக பிசிசிஐ-யுடன் ஏசியன் பெயிண்ட்ஸ் இணைந்துள்ளது
கோவை சந்தையின் முக்கிய பங்களிப்புடன், அறிமுக ஆண்டிலேயே முன்பதிவுகளில் 1,000 கோடி ரூபாய் மைல்கல்லைக் கடந்தது கோத்ரெஜ் கேபிட்டலின் ஆரோஹி!
அசோசியேசன் ஆப் அலையன்ஸ் கிளப் இன்டர்நேஷனல் மாவட்டம் 250S சார்பில், மாற்றுத்திறனாளிகளுக்கு நலத்திட்ட உதவிகள்.
கோவையில் மத்திய அரசை கண்டித்து தொழிற்சங்க கூட்டமைப்பு சார்பில் கண்டன ஆர்ப்பாட்டம்
தண்ணீர் கிடைக்காமல் 7 ஆண்டுகளாக தவிக்கும் கோவை எம்.ஜி.ஆர்.நகர் மக்கள் – ஆட்சியரிடம் மனு
For English News
