November 15, 2016 
தண்டோரா குழு
கோவையில் பள்ளிக் குழந்தைகளுக்கு விழிப்புணர்வு ஏற்படும் வகையில் கோவை மாநகர போக்குவரத்து காவல்துறையினர் சார்பாக குழந்தைகள் தினம் திங்கள்கிழமை கோலாகலமாகக் கொண்டாடப்பட்டது.
போக்குவரத்து விதிகளைக் குழந்தைகளுக்குக் கற்பிக்கும் வகையில் குழந்தைகள் தினத்தைக் கொண்டாட வேண்டும் என்று கோவை மாநகர போக்குவரத்து காவல் துறை துணை ஆணையர் சரவணன் திட்டமிட்டார்.
அவரது ஆலோசனை பேரில் கோவை ஆர்.எஸ். புரம், ஒப்பனைக்கார வீதி, பீளமேடு, ராம்நகர் மற்றும் புலியங்குளம் பகுதிகளில் உள்ள அரசு மற்றும் தனியார் பள்ளிகளில் உள்ள குழந்தைகளுக்குப் போக்குவரத்து விதிகள் குறித்த விழிப்புணர்வு வழிகாட்டுதல்களை போக்குவரத்து போலீசார் வழங்கினர்.
இந்நிகழ்சியில் ஏராளமான குழந்தைகள் பங்கேற்றனர். சாலை விதிகள், தலைக்கவசம் அணிந்து செல்வதன் அவசியம், விளையாட்டின் முக்கியத்துவம் போன்ற விழிப்புணர்வு நிகழ்சிகளும் நடைபெற்றன.
குழந்தைகளை எவ்வாறு வழிநடத்திச் செல்ல வேண்டும் என பெற்றோர்களுக்கு அறிவுரையும் இந்நிகழ்ச்சியில் வழங்கப்பட்டது. கோவை மாநகர போக்குவரத்து காவல்துறையினர் குழந்தைகளுடன் நிகழ்ச்சியைப் பயனுள்ள வகையில் இவ்வாறு கொண்டாடியதன் விளைவாக அக்குழந்தைகள் வரும்காலங்களில் போக்குவரத்து விதிகளை மதித்து நடப்பார்கள் என்பதில் ஐயமில்லை.
சென்னை:ஈஷா மஹாசிவராத்திரியை முன்னிட்டு சென்னையில் ஆதியோகி ரத யாத்திரை
தமிழ்நாட்டிலேயே முதன்முறையாக ஈதோஸ் (Ethos) செயற்கை நுண்ணறிவு (AI) இணைந்த கதிர்வீச்சு சிகிச்சை (ART) கே.எம்.சி.ஹெச் மருத்துவமனையில் அறிமுகம்
கோவை பிஎஸ்ஜி மருத்துவமனையில் “அமிழ்தினி – தாய்மை பராமரிப்பு கிளினிக்” தொடக்கம் !
முதுகு தண்டுவட முறிவு அறுவை சிகிச்சையில் விரைவில் குணமடைய நவீன முறை சிகிச்சை – மருத்துவர் தண்டபாணி தகவல்
கோவை சென்ட்ரல் தியேட்டர் வளாகத்தை ஜி ஸ்கொயர் குரூப் கையகப்படுத்தியது
BNI ரிதம் சேப்டர் 5ஆம் ஆண்டு விழா – எதிர்காலத்தில் ₹150 கோடி வணிக மதிப்பு உருவாக்க இலக்கு
For English News
