October 13, 2016 
தண்டோரா குழு
காவிரி விவகாரத்தில் தமிழகத்திற்கு வழங்கப்படும் தண்ணீர் குறித்து உச்ச நீதிமன்றத்தின் உத்தரவை எதிர்த்து கர்நாடக அரசு மறு சீராய்வு மனு தாக்கல் செய்துள்ளது.
தமிழகத்துக்கு தினமும் காவிரியிலிருந்து சுமார் 6 ஆயிரம் கன அடி நீர் திறந்து விடக் கோரி உச்ச நீதிமன்றம் உத்தரவிட்டிருந்தது. ஆனால் உச்சநீதிமன்ற உத்தரவை மதிக்காமல் கர்நாடக தொடர்ந்து பிடிவாதம் பிடித்து வந்தது.
இது தொடர்பாக தமிழகத்தில் கர்நாடகாவை கண்டித்து பல்வேறு போராட்டங்கள் நடைபெற்றன. இதனை தொடர்ந்து சில நாட்கள் தமிழகத்திற்கு தண்ணீர் திறந்துவிடப்பட்டது.
இதனிடையே உச்ச நீதிமன்றத்தில் இன்று கர்நாடக அரசு தரப்பில் மறு சீராய்வு மனு தாக்கல் செய்யப்பட்டது. அம்மனுவில், கர்நாடக அணைகளில் போதிய தண்ணீர் இல்லாததால், தமிழகத்துக்கு தண்ணீர் திறந்து விட இயலவில்லை என்றும், தமிழகத்துக்கு தினமும் 6 ஆயிரம் கன அடி நீர் திறந்து விடும்படி பிறப்பித்த உத்தரவை மறு சீராய்வு செய்ய வேண்டும் என கோரப்பட்டுள்ளது.
கர்நாடக அணைகளில் இருக்கும் தண்ணீர் அம்மாநில குடிநீர் தேவைக்கே போதுமானதாக இருப்பதாகக் கூறி, அம்மாநில அரசு சிறப்பு சட்டப்பேரவைக் கூட்டத்தில் தீர்மானம் நிறைவேற்றப்பட்டது என்பது குறிப்பிடத்தக்கது.
மத்திய அரசாங்கத்தால் தமிழகம் மற்றும் கர்நாடகாவில் உள்ள நீர் நிலைகள் அணைகள் குறித்து ஆய்வு செய்ய உயர் மட்ட தொழில்நுட்ப குழு அண்மையில் அமைக்கப்பட்டது. அக்குழு ஆய்வினை முடித்துவிட்டது வரும் 17ம் தேதி உச்ச நீதிமன்றத்தில் தாக்கல் செய்யப்பட உள்ளது.
கோவை பி.எஸ்.ஜி.ஆர் கிருஷ்ணம்மாள் மகளிர் கல்லூரியில் சமூக ஒருங்கிணைப்பு மாநாடு
நோயாளிகள் விரைவில் நடக்கவும் வலியின்றி வாழவும் உதவும் புதிய மருத்துவம் – பெத்தேல் மருத்துவமனை எலும்பியல் நிபுணர் டாக்டர் A. சாமுவேல் அனந்தராஜ்
வாழ்க்கையின் ஒவ்வொரு நிலையிலும் சிறந்த பலன் அளிக்கும் ‘சுப் மஹா லைப்’ காப்பீடு: டாடா ஏஐஏ அறிமுகம்
பண்டிகைக் காலத்திற்கு முன்னதாக, பிளிப்கார்ட் மார்க்கெட் பிளேஸில் விற்பனையாளர் பரிவர்த்தனைகளில் 25% அதிகரிப்பு
டாக்டர் என்.ஜி.பி. கல்வி நிறுவனங்களோடு இணையும் மற்றுமொரு புதிய பள்ளி வேன்கார்டு அகாடமி திறப்பு !
மரம் நடும் விழா மூலம் மரம் தங்கசாமிக்கு அஞ்சலி செலுத்திய காவேரி கூக்குரல்!
For English News
