September 28, 2016 
தண்டோரா குழு
கோவை இந்து முன்னணி பிரமுகர் கொலையை கண்டித்து சென்னையில் பாஜக சார்பில் ஆர்ப்பாட்டம் நடைபெற்றது.தடையை மீறி ஆர்ப்பாட்டத்தில் ஈடுபட்ட தமிழக பாஜக தலைவர் தமிழிசை, ஹெச்.ராஜா ஆகியோர் உள்பட சுமார் 500-க்கும் மேற்பட்ட அக்கட்சியினர் கைது செய்யப்பட்டுள்ளனர்.
கோவை துடியலூர், சுப்பிரமணியம்பாளையம் பகுதியில் இந்து முன்னணி அமைப்பைச் சார்ந்த சசிகுமார் என்பவர் படுகொலை செய்யப்பட்டார். இதனால் கோவையில் பெரும் கலவரம் ஏற்பட்டது. அவரது இறுதி ஊர்வலத்தில் கலந்து கொண்டவர்கள், வன்முறை சம்பவங்களில் ஈடுபட்டனர்.
இதனை கண்டித்து தமிழகம் முழுவதும் மாவட்ட தலைநகரங்களில் பாரதிய ஜனதா கட்சி சார்பில் கண்டன ஆர்ப்பாட்டம் நடத்தப்படும் என்று மாநில தலைவர் தமிழிசை சவுந்தரராஜன் அறிவித்து இருந்தார்.அதன்படி இன்று காலை முதலே எழும்பூர் ராஜரத்தினம் ஸ்டேடியம் அருகே பாரதிய ஜனதா கட்சியினரும், இந்து முன்னணி அமைப்பினர் ஏராளமானோர் திரண்டனர்.சசிகுமார் கொலையை கண்டித்து கோஷங்கள் எழுப்பி ஆர்ப்பாட்டத்தில் ஈடுபட்டனர்.
அப்போது பாதுகாப்பு பணியில் இருந்த இணை கமிஷனர் அன்பு மற்றும் போலீசார் போராட்டத்தில் ஈடுபட்டவர்களை தடுத்தனர். இங்கு ஆர்ப்பாட்டம் நடத்த அனுமதி இல்லை என்றனர்.இதனால் ஆவேசம் அடைந்த தமிழிசை சவுந்தரராஜன், எச்.ராஜா ஆகியோர் போலீஸ் இணை கமிஷனர் அன்புவிடம் வாக்கு வாதத்தில் ஈடுபட்டனர். இதனால் அங்கு பரபரப்பு ஏற்பட்டது.
மேலும், தேர்தல் நடத்தை விதிமுறைகள் அமலில் உள்ளதால் போராட்டத்திற்கு அனுமதி அளிக்கப்படவில்லை என்று காவல்துறை தரப்பில் விளக்கம் அளிக்கப்பட்டுள்ளது.
இதையடுத்து ஆர்ப்பாட்டத்தில் ஈடுபட்ட தமிழிசை சவுந்தரராஜன், எச்.ராஜா,உள்பட 500 பேரை கைது செய்தனர்.
கோவை மேயர், துணை மேயர் ஆதரவில் வாட்ஸ் அப் குழுவில் டெண்டர் ஒதுக்கீடு – லஞ்ச ஒழிப்பு போலீசார் விசாரணை
எல்ஜி அதன் புதிய ஆயில்-லூப்ரிகேட்டட் ஸ்க்ரூ ஏர் கம்பிரஸர்களை உள்ளடக்கிய ‘ஈஜி சூப்பர் பிரீமியம்’ வரம்பை அறிமுகம் செய்துள்ளது
ஆன்மீகப் பணிகளை மீண்டும் தொடங்கினார் சத்குரு!
நாடாளுமன்றத் தேர்தலில் அ.தி.மு.க.கூட்டணிக்கு ஆதரவு ஐக்கிய முஸ்லிம் முன்னேற்ற கழகம் அறிவிப்பு
பி.எஸ்.ஜி பாலிடெக்னிக் கல்லூரியில் மாணவர்களின் படைப்புகள் கண்காட்சி
வாக்களிக்கும் உரிமையையும், பொறுப்பையும் கையிலெடுங்கள்! – சத்குரு
For English News
