December 18, 2017 
தண்டோரா குழு
குஜராத் மாநில சட்டப்பேரவைத் தேர்தலில், சுயேச்சையாகப் போட்டியிட்ட தலித் உரிமைச் செயற்பாட்டாளரான ஜிக்னேஷ் மேவானி, தன்னை எதிர்த்துப் போட்டியிட்ட பா.ஜ.க வேட்பாளரை தோற்கடித்து வெற்றிபெற்றுள்ளார்.
கடந்த ஆண்டு சௌராஸ்டிரப் பகுதியான உனாவில் மாட்டின் தோலை உரித்ததாக தலித் மக்கள் நான்கு பேரை மதவெறியர்கள் கடுமையாகத் தாக்கினர். இந்த வன்கொடுமையை எதிர்த்து அந்தப் பகுதியில் எழுச்சிப் பேரணியை நடத்தியதன் மூலம் பிரபலமானவர், ஜிக்னேஷ் மேவானி.
அதன்பின் தொடர்ந்து தலித் மக்களின் உரிமைகளுக்காகவும் பாஜகவின் அரசியலை எதிர்த்தும் குஜராத் மாநிலத்தில் பிரச்சாரம், பேரணி நடத்தினார். அகமதாபாத் நகரிலிருந்து உனா நகரில் நான்கு தலித் மக்களுக்கு வன்கொடுமை இழைக்கப்பட்டதோ, அதே ஊரை நோக்கி பேரணியாகச் சென்று ஆகஸ்ட் 15ஆம் தேதி அங்கு பொதுக்கூட்டம் நடத்தினார் மேவானி.
அரசியல் கட்சிகளின் கூட்டத்தை விஞ்சும் வகையில் அந்தக் கூட்டத்தில் 20 ஆயிரம் பேர் கலந்து கொண்டனர். இதனைத்தொடர்ந்து குஜராத்தின் பனஸ்கந்தா மாவட்டத்தின் வட்காம் தனி தொகுதியில் சுயேட்சையாக மேவானி போட்டியிட்டார்.
இதனைத்தொடர்ந்து போட்டியிடாமல் விலகிக்கொள்வதாக காங்கிரஸ் மற்றும் ஆம் ஆத்மி கட்சிகள் அறிவித்தன.கடந்த சட்டப்பேரவைத் தேர்தலில் இந்தத் தொகுதியில் 90,375 வாக்குகள் பெற்று காங்கிரஸ் கட்சி வெற்றி பெற்றிருந்தது.
இதையடுத்து, பாஜகவின் சார்பில் போட்டியிட்ட விஜய் சக்ரவர்த்திக்கும் ஜிக்னேசுக்கும் தான் போட்டி எனும் நிலையில், ஜிக்னேசுக்கு 63, 471 வாக்குகள் கிடைத்தன. பாஜக வேட்பாளருக்கு 42,429 வாக்குகள் மட்டுமே பெற முடிந்தது. இதன் மூலம் 18,150 வாக்குகள் அதிகம் பெற்று ஜிக்னேஷ் மேவானி சட்டமன்றத்துக்குள் அடியெடுத்து வைக்கத் தயாராகியுள்ளார்.
கோவை அவினாசிலிங்கம் பல்கலைக்கழகத்தில் புதிதாக நியமிக்கப்பட்ட துணைவேந்தர்களின் வட்டமேசை மாநாடு!
சஹோதயா இன்டர் ஸ்கூல் கால்பந்து போட்டியில் கேம்போர்டு பள்ளி சாதனை
கோவையில் 3 நாட்கள் நடைபெறும் இந்தியாவின் மிகப்பெரிய குளோபல் சோலார் கண்காட்சி துவக்கம்
சிஐஐ சார்பில் கோவையில் நடைபெற்ற இந்திய தொழில் கூட்டமைப்பு சார்பில் 9வது தேசிய உயர்கல்வி மாநாடு
‘ஸ்கூட்ஸ் ‘எவரிவேர் சேல்’ அறிவிப்பு! – விமானம் பயணம் எங்கும் விற்பனை – இங்கும் அங்கும் செல்ல சலுகை கட்டணம் ரூபாய்.5,900-லிருந்து துவக்கம்
கே.எம்.சி.ஹெச் மருத்துவ கல்லூரி சார்பில் தடாகத்தில் ஊரக மருத்துவ மையம் திறப்பு
For English News
