December 27, 2017 
தண்டோரா குழு
இந்தியாவில் இனி பேஸ்புக் பயன்படுத்துவதற்கும் ஆதார் எண்ணைக் கேட்டுப்பெறும் நடைமுறையை, அந்நிறுவனம் அறிமுகப்படுத்த உள்ளது.உலக அளவில் அதிக மக்களால் பயன்படுத்தபடும் சமூக வலைதளங்களில் ஒன்றான பேஸ்புக்கை இந்தியாவில் 24.1 மில்லியனுக்கும் அதிகமானவர்கள் பயன்படுத்தி வருகின்றனர்.
உலக அளவில் பேஸ்புக் பயன்பாட்டில் அமெரிக்காவிற்கு அடுத்தப்படியாக இந்தியா 2வது இடத்தில் இருந்து வருகிறது. எனினும் இந்தியாவில் உள்ள பேஸ்புக் கணக்குகளில் ஏராளமானவை போலியானவை என தெரிய வந்துள்ளது.
இதனால் போலி கணக்குகள் மேலும் அதிகரிக்காமல் இருப்பதற்காக, பேஸ்புக் பயன்படுத்துவோரின் ஆதார் எண்ணை வைத்து, அவர் உண்மையான பெயரில் தான் கணக்கு வைத்துள்ளாரா என பேஸ்புக் சரிபார்க்க முடிவு செய்துள்ளது.மொபைல் பேஸ்புக் இணையதளத்தில் இது சோதனை செய்து பார்க்கப்பட்டுள்ளது.
பயனர்கள் பெயரின் முதல் மற்றும் கடைசிப் பகுதி மட்டும், ஸ்கிரீன் ஷாட் மூலம் கேட்டுப் பெறப்படும் என ஃபேஸ்புக் நிறுவனம் தெரிவித்துள்ளது.பயனர்களின் இயற்பெயரையே, ஃபேஸ்புக்கிலும் பயன்படுத்துவதற்கான சாத்தியத்தை அதிகப்படுத்தவே ஆதார் பெயரை கேட்டுப்பெறும் நடைமுறையை செயல்படுத்த இருப்பதாக அந்நிறுவனம் தெரிவித்துள்ளது.
இதன் மூலம் நண்பர்களும், உறவினர்களும் அவர்களை எளிதில் அடையாளம் காண முடியும் என்றும் ஃபேஸ்புக் நிறுவனம் கருதுகிறது. எனினும், இந்த நடைமுறை விருப்பத்தின் அடிப்படையில் மட்டுமே தற்போது அறிமுகப்படுத்தப்பட இருப்பதாகவும் பேஸ்புக் நிர்வாகிகள் கூறியுள்ளனர். ரெட்டிட், டுவிட்டர் போன்ற சமூக வலைதளங்களிலும் இந்த முறை சோதனை செய்து பார்க்கப்பட்டுள்ளது என்பது குறிப்பிடத்தக்கது.
கோவை அவினாசிலிங்கம் பல்கலைக்கழகத்தில் புதிதாக நியமிக்கப்பட்ட துணைவேந்தர்களின் வட்டமேசை மாநாடு!
சஹோதயா இன்டர் ஸ்கூல் கால்பந்து போட்டியில் கேம்போர்டு பள்ளி சாதனை
கோவையில் 3 நாட்கள் நடைபெறும் இந்தியாவின் மிகப்பெரிய குளோபல் சோலார் கண்காட்சி துவக்கம்
சிஐஐ சார்பில் கோவையில் நடைபெற்ற இந்திய தொழில் கூட்டமைப்பு சார்பில் 9வது தேசிய உயர்கல்வி மாநாடு
‘ஸ்கூட்ஸ் ‘எவரிவேர் சேல்’ அறிவிப்பு! – விமானம் பயணம் எங்கும் விற்பனை – இங்கும் அங்கும் செல்ல சலுகை கட்டணம் ரூபாய்.5,900-லிருந்து துவக்கம்
கே.எம்.சி.ஹெச் மருத்துவ கல்லூரி சார்பில் தடாகத்தில் ஊரக மருத்துவ மையம் திறப்பு
For English News
