November 1, 2017 
தண்டோரா குழு
கொல்கத்தாவில் மனநோயால் பாதிக்கப்பட்டிருந்த ஒருவரின் வயிற்றிலிருந்து சுமார் 639 ஆணிகளை மருத்துவர்கள் அறுவை சிகிச்சை மூலம் அகற்றியுள்ளனர்.
மேற்கு வங்கத்தின் பர்கனாஸ் மாவட்டத்தில் உள்ள கோபர்டங்கா பகுதியை சேர்ந்த 48 வயது நபர் ஒருவர் ‘ஸ்கைசோபிரீனியா’என்ற மனநோயால் பாதிக்கப்பட்டிருந்தார். அவர் ஆணி மற்றும் மண்ணை சில காலமாகவே உண்டு வந்துள்ளார்.
கடந்த சில நாட்களாகவே அவருக்கு அதிக வயிற்று வலி ஏற்பட்டது.இதனையடுத்து அவருடைய குடும்பத்தினர் அவரை அருகிலிருந்த சுகாதார நிலையத்தில் சேர்த்தனர்.அங்கு அவரை பரிசோதித்த மருத்துவர்கள் அவருடைய வயிற்றில் ஆணிகளும் மண்ணும் இருப்பது தெரியவந்தது.
இதனையடுத்து உடனே அவரை கொல்கத்தா மருத்துவ கல்லூரி மருத்துவமனைக்கு கொண்டு செல்லுமாறு மருத்துவர்கள் கூறிய ஆலோசனையை கேட்ட அந்த நபரின் குடும்பத்தினர், அவரை அங்கு அழைத்து சென்றனர். மருத்துவர்கள் அவருக்கு எக்ஸ்ரே மற்றும் எண்டோஸ்கோபி சோதனை செய்யப்பட்டது. அந்த சோதனையின் முடிவில், அவருடைய வயிற்றில் 2 முதல் 2.5 இன்ச் அளவுள்ள ஆணிகள் மற்றும் மண் இருப்பதும் தெரியவந்துள்ளது.இதையடுத்து, அவருக்கு அறுவை சிகிச்சை செய்யப்பட்டது.
அறுவை சிகிச்சையின் போது “அவருடைய வயிற்றில் 10 சென்டிமீட்டர் அளவுக்கு வெட்டி,காந்தம் மூலம் வயிற்றில் இருந்த ஆணிகளை வெளியே எடுத்துள்ளனர். மேலும், இந்த அறுவை சிகிச்சை சுமார் 45 நிமிடங்கள் நடைபெற்றதாகவும்,தற்போது நோயாளியின் உடல் நலம் சீராக உள்ளதாக மருத்துவர்கள் தெரிவித்தனர்.
கோவை அருகே உள்ள கோவைபுதுரில் புதிய திருப்பதி கோயில் கட்ட திருமலை திருப்பதி தேவஸ்தானம் ஜி ஸ்கொயர் குழுமத்திற்கு ஒப்புதல்
பிளஸ் டூ தேர்வில் வெற்றி பெற்ற மாணவர்களுக்கு கவுண்டம்பாளையம் MLA கனிமொழி சந்தோஷ் வாழ்த்து
12 வகுப்பு பொதுத்தேர்வு முடிவு – கோவை மாவட்டம் 96.66 சதவீத தேர்ச்சி !
பருத்தி இறக்குமதி வரியை முழுமையாக நீக்க வேண்டும் கோவை ஜவுளித்துறையினர் மத்திய அரசுக்கு கோரிக்கை
கோவையில் கோடை கால ‘கோ கிளாம்’ மெகா ஷாப்பிங் கண்காட்சி துவக்கம்
கோவையில் சூயஸ் நிறுவனம் சார்பில் இலவச மருத்துவ பரிசோதனை முகாம்
For English News
