August 18, 2016 
தண்டோரா குழு
வட மேற்கு மாநிலமான மகாராஷ்டிராவின் தலைநகரான மும்பையில் உள்ள ஆளுநர் மாளிகைக்குக் கீழ் ஆங்கிலேயர்களால் கட்டப்பட்ட சுமார் 150 மீட்டர் நீளமுள்ள சுரங்கப்பாதை கண்டு பிடிக்கப்பட்டுள்ளது.
ஆங்கிலேயர்கள் இந்தியாவை ஆண்ட போது 1885ம் ஆண்டு கட்டப்பட்டு இவ்வளவு நாள் வெளி உலகிற்குத் தெரியாமல் இருந்த சுரங்கப்பாதை தற்போது கண்டுபிடிக்கப்பட்டுள்ளது.மும்பையில் உள்ள மகாராஷ்டிர ஆளுநர் மாளிகையின் கீழ் உள்ள இந்த சுரங்கப் பாதையின் நுழைவு வாயிலில் சுமார் 20 அடி உயர இரும்பு கதவு உள்ளது.அதனைத் தாண்டி உள்ளே சென்றால் சுமார் 13 அறைகளும், ஆயுதங்கள் சேமிக்கும் கிடங்கும் உள்ளன.
மேலும், இந்த சுரங்கப்பாதையை மகாராஷ்டிர ஆளுநர் வித்யாசாகர் ராவ், அவரது மனைவி மற்றும் உயர் அதிகாரிகள் கொண்ட குழு, நேற்று பார்வையிட்டனர்.வரலாற்றுச் சின்னமான இந்த சுரங்கப்பாதையை, அதன் பாரம்பரியம் மாறாமல் பாதுகாக்குமாறு, பல்வேறு துறை அதிகாரிகளுக்கு ஆளுநர் பரிந்துரை செய்துள்ளார்.
மேலும், சுரங்கப்பாதையில் காற்று வசதி, வெளிச்சத்திற்கான வசதி, கழிவு நீர் செல்லும் பாதை என்று அனைத்து வசதிகளும் செய்யப்பட்டிருப்பதை பார்வையிட்ட ஆளுநர் உள்ளிட்ட குழுவினர் ஆச்சரியத்தில் ஆழ்ந்துள்ளனர்.இந்திய தேசத்தின் சுதந்திரத்திற்குப் பிறகு, இந்த சுரங்கப்பாதை மூடப்பட்டிருக்கலாம் என்று தொல்பொருள் நிபுணர்கள் கருத்து தெரிவித்துள்ளனர்.
கோவை பி.எஸ்.ஜி.ஆர் கிருஷ்ணம்மாள் மகளிர் கல்லூரியில் சமூக ஒருங்கிணைப்பு மாநாடு
நோயாளிகள் விரைவில் நடக்கவும் வலியின்றி வாழவும் உதவும் புதிய மருத்துவம் – பெத்தேல் மருத்துவமனை எலும்பியல் நிபுணர் டாக்டர் A. சாமுவேல் அனந்தராஜ்
வாழ்க்கையின் ஒவ்வொரு நிலையிலும் சிறந்த பலன் அளிக்கும் ‘சுப் மஹா லைப்’ காப்பீடு: டாடா ஏஐஏ அறிமுகம்
பண்டிகைக் காலத்திற்கு முன்னதாக, பிளிப்கார்ட் மார்க்கெட் பிளேஸில் விற்பனையாளர் பரிவர்த்தனைகளில் 25% அதிகரிப்பு
டாக்டர் என்.ஜி.பி. கல்வி நிறுவனங்களோடு இணையும் மற்றுமொரு புதிய பள்ளி வேன்கார்டு அகாடமி திறப்பு !
மரம் நடும் விழா மூலம் மரம் தங்கசாமிக்கு அஞ்சலி செலுத்திய காவேரி கூக்குரல்!
For English News
