September 28, 2016 
தண்டோரா குழு
ரயில்வே ஊழியர்களுக்கு 78 நாள் சம்பளத்தை போனசாக வழங்க மத்திய அமைச்சரவை ஒப்புதல் அளித்துள்ளது.
இந்திய ரயில்வே துறையில் பல நிலையில் பல லட்சம் ஊழியர்கள் பணிபுரிந்து வருகின்றனர்.இதில் சி மற்றும் டி நிலை ஊழியர்கள் வரும் தீபாவளிக்கு போனஸ் சம்பந்தமாக தங்களது சங்கங்கள் மூலமாக மத்திய அரசாங்கத்திற்கு பல்வேறு கோரிக்கைகளை வைத்திருந்தனர்.
இது சம்பந்தமாக மத்திய அரசாங்கம் அமைச்சரவை கூட்டத்தில் இன்று விவாதிக்கப்பட்டது. இதில் சி மற்றும் டி நிலை ஊழியர்களுக்கு 78 நாட்கள் சம்பளத்தை போனசாக வழங்க முடிவு செய்யப்பட்டது.
இது குறித்து எஸ்.ஆ.ர்.எம்.யு சேலம் கோட்ட செயலாளர் கோவிந்தன் கூறுகையில்,
மத்திய அரசாங்கம் இன்று வழங்குவதாக அறிவித்த போனஸ் என்பது சீலிங் போனஸ், அதாவது 18 ஆயிரம் சம்பளம் வாங்கும் ஒரு ஊழியருக்கு 7 ஆயிரம் ரூபாய் என்ற மதிப்பில் தான் போனஸ் வழங்கப்படும். ஆனால், நாங்கள் மத்திய அரசாங்கத்திடம் சீலிங் இல்லாத போனஸ் வழங்க வேண்டும் என கோரிக்கை வைத்திருந்தோம். எனினும், கடந்த ஆண்டினை ஒப்பிட்டு பார்க்கையில் இந்த வருடம் சற்று அதிகமாக போனஸ் வரும் என்பது மகிழ்ச்சியளிக்கிறது என கூறினார்.
இந்த போனஸ் மூலம் 12,60,000 ஊழியர்கள் பயனடைவார்கள். இரயில்வே ஊழியர்களுக்கு போனஸ் வழங்குவதற்காக ரூ.2090.96 கோடியை மத்திய அரசு நிதி ஒதுக்கீடு செய்துள்ளது
சர்வதேச மாற்றுத்திறனாளிகள் தினம்: சூயஸ் நிறுவனம் சார்பில் கோவை ஜெயம் சிறப்புப் பள்ளியில் சிறப்பு நிகழ்ச்சி
இந்தியக் கிரிக்கெட்டுக்கு வண்ணம் சேர்க்கும் அதிகாரப்பூர்வமான பங்காளராக பிசிசிஐ-யுடன் ஏசியன் பெயிண்ட்ஸ் இணைந்துள்ளது
கோவை சந்தையின் முக்கிய பங்களிப்புடன், அறிமுக ஆண்டிலேயே முன்பதிவுகளில் 1,000 கோடி ரூபாய் மைல்கல்லைக் கடந்தது கோத்ரெஜ் கேபிட்டலின் ஆரோஹி!
அசோசியேசன் ஆப் அலையன்ஸ் கிளப் இன்டர்நேஷனல் மாவட்டம் 250S சார்பில், மாற்றுத்திறனாளிகளுக்கு நலத்திட்ட உதவிகள்.
கோவையில் மத்திய அரசை கண்டித்து தொழிற்சங்க கூட்டமைப்பு சார்பில் கண்டன ஆர்ப்பாட்டம்
தண்ணீர் கிடைக்காமல் 7 ஆண்டுகளாக தவிக்கும் கோவை எம்.ஜி.ஆர்.நகர் மக்கள் – ஆட்சியரிடம் மனு
For English News
