October 24, 2016 
தண்டோரா குழு
எதிர்க்கட்சி தலைவர் மு.க. ஸ்டாலின் கூட்டியுள்ள அனைத்துக் கட்சி கூட்டத்தில் எல்லோரும் கலந்து கொள்வது நல்லது என்று சென்னை சத்தியமூர்த்தி பவனில் நடைபெற்ற செய்தியாளர்கள் சந்திப்பில் தமிழ்நாடு காங்கிரஸ் கமிட்டி தலைவர் திருநாவுக்கரசர் கூறியுள்ளார்.
இது குறித்து திருநாவுக்கரசர் செய்தியாளர்களிடம் பேசியதாவது:
சட்டப்பேரவை எதிர்க்கட்சி தலைவர் மு.க. ஸ்டாலின் செவ்வாய்க்கிழமை (அக். 25) கூட்டியுள்ள அனைத்து கட்சி கூட்டத்தில் காங்கிரஸ் சார்பில் நானும், சட்டப் பேரவை காங்கிரஸ் தலைவர் கே.ஆர். ராமசாமி எம்.எல்.ஏ.வும், காங்கிரஸ் விவசாய அணி தலைவர் பவன்குமார் ஆகியோரும் பங்கேற்கிறோம்.
காவிரி பிரச்சினை தமிழக நலன் சார்ந்த பிரச்சினை, தமிழகத்தின் ஜீவாதார பிரச்சினை. இது தேர்தலுக்காகவோ, கூட்டணிக்காகவோ கூட்டப்படும் கூட்டம் அல்ல. ஆளும் கட்சியே செய்திருக்க வேண்டியுள்ளதை எதிர்க்கட்சி செய்துள்ளது. எல்லோரும் இதில் கலந்து கொள்வது நல்லது.
விவசாயிகளின் வாழ்வாதாரப் பிரச்சினையை அரசியல் கட்சிகள் அரசியல் வாழ்க்கைக்கான பிரச்சினையாக எடுக்கிறதா என்று கேட்கிறீர்கள். இந்த பிரச்சினை இரு மாநிலங்களும் சம்பந்தப்பட்டது. இதைச் சட்ட ரீதியாகவும், நிர்வாக ரீதியாகவும் பார்க்க வேண்டும்.
நிர்வாக ரீதியான பிரச்சினையை மத்திய அரசு தீர்க்க வேண்டும். சட்ட ரீதியான பிரச்சினையை நீதிமன்றம் தீர்த்து வைக்க வேண்டும். கட்சி-மாநிலம் என்ற எல்லைகளை எல்லாம் கடந்து அனைவரும் செயல்பட வேண்டும்.
தமிழர்களின் உரிமையை காக்க திமுக பொருளாளர் மு.க. ஸ்டாலின் கூட்டியுள்ள கூட்டத்தை வைகோ விமர்சித்துள்ளார். ஆனால், விமர்சனம் செய்வதற்கும் ஓர் எல்லை உண்டு. கூட்டத்தில் கலந்து கொள்வதும் கலந்து கொள்ளாததும் அவரவர் உரிமை. விமர்சனம் செய்வதற்காக வரிந்து கட்டிக் கொண்டு விமர்சிப்பது ஏன்? அனைத்துக் கட்சி கூட்டத்துக்கும் அனைத்துக் கட்சிகளைச் சேர்ந்தவர்களை தி.மு.க.வில் இணைத்ததற்கும் எந்த சம்பந்தமும் இல்லை.
ஒவ்வொரு கட்சிகளுக்கும் போகிறவர்கள் போவார்கள் வருபவர்கள் வருவார்கள். இது அவரவர் விருப்பம். நாளை நடைபெறும் கூட்டத்தில் ஜி.கே. வாசன் கலந்து கொள்வது மகிழ்ச்சி. காவிரி விஷயத்தில் மத்தியில் உள்ள பாஜக அரசு கடமை தவறி விட்டது. தமிழர்களுக்குத் துரோகம் இழைத்துவிட்டது மலிவான அரசியல் நடத்துகிறது என திருநாவுக்கரசர் கூறினார்.
சின்னகுட்டை தேக்கத்தை புரணமைக்க கோவை குளங்கள் பாதுகாப்பு அமைப்பு அமைப்புடன் கூட்டு சேர்ந்த ப்ரூக்ஃபீல்டு !
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
For English News
