October 6, 2016 
தண்டோரா குழு
சென்னை அப்போலோ மருத்துவமனையில் அனுமதிக்கப்பட்டுள்ள முதல்வர் ஜெயலலிதாவுக்கு சிகிச்சை அளிப்பதற்காக டெல்லி எய்ம்ஸ் மருத்துவமனையிலிருந்து மருத்துவ குழு நேற்று சென்னை வந்தனர்.
காய்ச்சல் மற்றும் நீர்ச்சத்து குறைபாடு காரணமாக உடல்நிலை பாதிக்கப்பட்ட முதல்வர் ஜெய லலிதா, கடந்த மாதம் 22-ம் தேதி சென்னை கிரீம்ஸ் சாலையில் உள்ள அப்போலோ மருத்துவமனையில் அனுமதிக்கப்பட்டார்.அவருக்கு மருத்துவர்கள் தீவிர சிகிச்சை அளித்து வருகின்றனர்.
கடந்த 30-ஆம் தேதி லண்டனைச் சேர்ந்த சிறப்பு டாக்டர் ரிச்சர்ட் பீலே, அப்போலோ மருத்துவமனைக்கு வந்து, முதல்வர் ஜெயலலிதாவுக்கு அளிக்கப்பட வேண்டிய சிகிச்சைகள் குறித்து ஆலோசனைகளை வழங்கினார். அவரது அறிவுரைப்படி தொடர்ந்து சிகிச்சை அளிக்கப்பட்டு வருகிறது.
இந்நிலையில் முதல்வர் ஜெயலலிதாவுக்கு சிகிச்சை அளிப்பதற்காக டெல்லி எய்ம்ஸ் மருத்துவ மனையிலிருந்து சிறப்பு மருத்துவ குழுவினர் நேற்று சென்னை வந்தனர். நுரையீரல் சிகிச்சை நிபுணர் டாக்டர் ஜி.சி.கில்னானி, மயக்க மருத்துவ நிபுணர் டாக்டர் அஞ்சன் த்ரிக்கா, இதய சிகிச்சை நிபுணர் டாக்டர் நிதிஷ் நாயக் ஆகிய 3 பேர் அந்தக் குழுவில் இடம் பெற்றுள்ளனர்.
இதனிடையே, முதல்வர் ஜெயலலிதாவிற்கு சிசிச்சை அளிப்பதற்காக லண்டனை சேர்ந்த சிறப்பு மருத்துவரான ரிச்சர்ட் பீலே மீண்டும் சென்னை வரக்கூடும் எனத் தெரிகிறது.
மனித மூளைக்கும் கணினி மூளைக்கும் இடையேதான் வருங்காலத்தில் போட்டி இருக்கும் – நீயா நானா கோபிநாத் பேச்சு
மூளை அறுவை சிகிச்சைக்கு பிறகு மோட்டார் சைக்கிளில் கைலாய யாத்திரை; யோக விஞ்ஞானத்தின் சக்தியை காட்டுகிறது – சத்குரு
வாரணாசி, பாட்னா, மானேசர், ராஞ்சி, காஜியாபாத், ஆக்ரா மற்றும் அகர்தலா உட்பட நாடு முழுவதும் பிளிப்கார்ட்டின் விநியோகச் சங்கிலி தடம் விரிவாக்கம்
ஆசிரியர் தினத்தை கொண்டாடும் வகையில் மாதம் முழுவதும் ஆசிரியர்களுக்கும், கல்வியாளர்களுக்கும் பிரத்தியேக சலுகைகள் ஜி ஸ்கொயர், அறிவிப்பு
கோவை காளப்பட்டி பகுதியில் அடிசியா நிறுவனம் சார்பில் ஜல்லிகட்டு காளை சிலை திறப்பு
ஆர்தா செலக்ட் ஃபண்ட்ஸ் பங்குகளை வாங்குவதில் முதலீட்டாளர்கள் ஆர்வம்: இலக்கை தாண்டி 131 சதவீதம் அதிகரித்து பங்குகள் விற்பனை நிறைவு
For English News
